అంతర్జాలం

============

ప్రతీ పదేళ్లకు, ప్రపంచం తన రూపురేఖలు మార్చుకుంటోంది. ప్రగతిపధంలో ప్రయాణిస్తోంది. కాలానుగుణంగా పరుగులు తీస్తోంది.
"అంతర్జాలం" అనేది ఒక సాంకేతిక విప్లవంగా అభివర్ణించవచ్చు.
- కాగితపు ఖర్చు తగ్గింది, ఆన్లైన్ డాటా బేస్ తో
-వ్యాధి మూలాంతరాలని తెలుసుకో గలుగుతున్నాం, వైధ్యశాస్త్ర ఆధునిక పరికరాలతో
-ప్రపంచంలో ఏ మూల, ఏం జరిగినా తెలుసుకో గలుగుతున్నాం, మీడియా మాధ్యమంతో
-ఎంత దూరాన్నైనా అవలీలగా ప్రయాణిస్తున్నాం, మోటార్ వాహనాలతో
-రానున్న ప్రకృతి వైపరీత్యాలని ముందే పసిగడుతున్నాం, స్పేస్ టెక్నాలజీతో
-ఎంత దూరాన్నున్నవారితోనైనా మాట్లాడగలుగుతున్నాం, మొబయిల్ ఫోన్ సౌలభ్యంతో
ఇలా చెప్పుకుంటూపోతే సాంకేతిక విజ్ఞాన సౌలభ్యానికి, సౌకర్యానికి అవధులు లేవనే చెప్పాలి.
"ప్రతీరోజూ ఒక కొత్త రూపం... ఇదే సాంకేతికరంగ ప్రస్థుత స్వరూపం"
మనిషి జీవనశైలి సులభతరం అవుతూనే ఉంది, అయినా పరిశోధన కొనసాగుతూనే ఉంది.

అయితే సాంకేతిక విజ్ఞానం రెండువైపులా పదునున్న కత్తిలాంటిది.
ఎవరినైనా ఎలా ఉన్నావ్? అని ప్రశ్నిస్తే... వచ్చే సాధారణ సాంప్రదాయ సమాధానం ఒక్కటే...
ROUTINE MECHANICAL LIFE

-మన మద్యనే ఉన్నా, మనతో కన్నా మొబయిల్ తోనే ఎక్కువగా మాట్లాడుతున్నాడు.
-రెండు,రెళ్లు ఎంత అన్నా, కాలక్యులేటర్ వాడుతున్నాడు.
-కోట్లతో నిర్మించిన సినిమాని, పైరసీతో ఫ్రీగా చూసేస్తున్నాడు.
-కడుపులో బిడ్డని, కనకముందే కనిపెట్టి... కన్య అని తెలిస్తే కడతేరుస్తున్నాడు.
-పక్కవాడి డబ్బుల్ని నకిలీ చెక్కువాడో లేదా కంప్యూటర్ జిమ్మిక్కు వాడో దోచేస్తున్నాడు.
-అమ్మాయిల నగ్న చిత్రాలని, అంతర్జాలంలో ప్రదర్శిస్తూ...ఆడతనాన్ని ఉరేస్తున్నాడు.
-ఏకాంతజీవితాన్ని, అయస్కాంతంలా లాగేస్తున్నాడు.

ఈ పరిస్థితినుంచి బయటకి రావాలి, మార్పు కావాలి. మానవత్వపు విలువలు పరిమళించాలి.
చూపు, స్పర్శ, మాట ఇవే సంఘహితాన్ని, సంఘటితాన్ని కాపాడేవి అని తెలుసుకోవాలి.
మన అన్నవారితో, కాస్త సమయం వెచ్చించాలి.
"మనిషి, మనిషిగా బ్రతకలేనప్పుడు... అది ఎంత గొప్ప విజ్ఞానమైనా, వివేక రహితమే"

"భవిష్యత్తు అంతా సాంకేతిక విజ్ఞానానమే...
కాని, జరగాల్సింది మానవ కళ్యాణమే"

స్పూర్తి
========
ఒలింపిక్ క్రీడల సంబరాలు, అంబరాన్ని అంటుతున్న తరుణంలో...
మనకి దేశభక్తి అప్పుడప్పుడు గుర్తొచ్చే ఆగష్టుమాసంలో...
ఒక గొప్ప క్రీడాస్పూర్తిని తలుచుకోవడం సమంజసం అని ఈ వ్యాసం.

"రెండు వేరు, వేరు గుడ్డల్ని కలిపికుట్టే సూది, తను మాత్రం మద్యలోంచి జారిపోతుంది."
అలాగే క్రీడాస్పూర్తి రెండు వేరు, వేరు జట్లను ఆడుతున్నంతసేపు పోరాడమన్నా, ముగిసాక మనస్పూర్తిగా కొనియాడమంటుంది.

అది ఆగష్టు 15, 1936 అంటే సరిగ్గా స్వతంత్ర్యానికి 11సం. ముందు, ఒలింపిక్ క్రీడల్లో హాకీ ఫైనల్ జరగనుంది. ఒకపక్క ఆతిథ్య దేశం జర్మనీ జట్టు, మరోపక్క అన్యాక్రాంతమైన భారత జట్టు. ఒకపక్క అందరి మనసుల్లో జర్మనీ విజయంపై ధీమా, మరోపక్క భారత్ కు సరిగ్గాలేని క్రీడా సరంజామా. ఈ నేపథ్యంలో ఆట మొదలయ్యింది. భారత్ కు ప్రతికూలంగా ఉండేందుకు గ్రౌండులో నీళ్లు ఎక్కువగా చల్లి తయారు చెయ్యబడింది. బూట్లకు స్పైకులు కూడాలేని పరిస్థితి కావడంతో, పరిగెడుతూ జారిపడడం భారత్ క్రీడాకారుల సహనాన్ని పరీక్షించింది. అయినా మొక్కవోని పట్టుదలతో పోరాడి భారత్ 1-0 ఆదిక్యంతో మొదటి అర్ధబాగాన్ని ముగించింది. జర్మనీ జట్టుని ప్రోత్సహించడానికి స్వయంగా హిట్లర్ రావడం విశేషం.
ఇంతలో రెండో అర్ధబాగం మొదలయ్యింది. తిరిగి అదే పరిస్థితి గమనించిన భారత జట్టు కెప్టెన్ తన బూట్లని విడిచి ఆట ఆడటం ప్రారంభించాడు, అది గమనించిన మరికొందరు సహక్రీడాకారులు అతడిని అనుసరించారు. అంతే.... భారత్ స్వైరవిహారం ముందు జర్మనీ జట్టు తలవంచింది. భారత్ తిరుగులేని ఆదిక్యంతో (8-1) విజయం సాధించింది. బంగారు పతకాలు జట్టు సభ్యుల మెడలో ఆభరణాలయ్యాయి. అప్పటి ఆ స్పూర్తిదాయక కెప్టెన్ మరెవరోకాదు ధ్యాంచంద్. గెలుపుకోసం, భారతదేశపు కీర్తి బావుటాని ఎగరెయ్యటం కోసం అలుపెరగని సూర్యుడిలా, వెన్నుచూపని వీరుడిలా పోరాడిన ధ్యాంచంద్ చిరస్మరణీయుడు.
ఆట పూర్తికాగానే హిట్లర్నుంచి ధ్యాంచందుకి పిలుపొచ్చింది. కాస్త ఆందోళనతోనే హిట్లర్ను కలుసుకున్నాడు. తను భారతదేశం సైన్యంలో సైనికుడిగా పనిచేస్తున్నానని పరిచయం చేసుకున్నాడు. వెంటనే హిట్లర్ అతడి ఆటకి తను ముగ్దుడినయ్యానని, తమ దేశపు పౌరసత్వం తీసుకుంటే తన సైన్యంలో ఉన్నత పదవిలో నియమిస్తానని, తమ హాకీ జట్టుకి కెప్టెన్గా వ్యవహరించాలని కోరాడు. ధ్యాంచంద్ చిరునవ్వుతో అతడి ఆహ్వానాన్ని మర్యాద పూర్వకంగా తిరస్కరించి, ధన్యవాదాలు తెలియజేసి "భారతదేశం మా అమ్మ, అమ్మ ఒడిలో నేను ఆనందంగా ఉన్నానని" చెప్పి వచ్చేసాడు. అకుంఠిత క్రీడాస్పూర్తికి, అంతులేని దేశభక్తికి ధ్యాంచంద్ ఒక సరైన నిర్వచనం అని చెప్పడంలో అతిశయోక్తి లేదేమో.
125 కోట్ల జనాభా ఉన్న ఎడారిలో, ఒక్క మెడల్ అనే ఒయాసిస్ కోసం అలమటిస్తున్నాం. సగటు మనిషి కట్టిన పన్నులతో ప్రభుత్వ కాలేజీల్లో చదివి, పరాయి దేశాల్లో పైసల సంపాదనకి పరిగెడుతున్నాం. పతకంకోసం ప్రయత్నించే క్రీడాస్పూర్తి కంటే, పదకంతో అధికారాన్ని అందుకోవడానికి , అందలమెక్కడానికే మక్కువ చూపిస్తున్నారు. ఇప్పటి యువతకి ధ్యాంచంద్ చరిత్ర ఒక భగవద్గీతలా వినిపిస్తే బావుంటుందేమో???

నేను ముఖ్యమంత్రిగా తలకాయ ప్రవేశం చేస్తే

ఆంధ్ర ప్రదేశ్ అనే ఒక సంద్రంలో నేనొక సింధువునై రాస్తున్న నా అభిప్రాయం. ఎప్పుడో మూడు నెళ్ల క్రితం ఒక మిత్రుడితో పంచుకున్న భావాలు. తప్పులుపట్టే విష సంస్కృతి కన్నా, తర్కిస్తూ ఒక జవాబువెదికే సంస్కారం మంచిదని నమ్ముతూ...
అ) రాజధాని:
రాజధానిగా బెజవాడ,గుంటూర్ల మద్య ప్రాంతం. ఎక్కడనుంచైనా సున్నా నుంచే మొదలవ్వాలి, అటువంటప్పుడు ఉన్నదాన్ని, పడగొట్టి కట్టే కట్టడం కన్నా కొత్తగా నిర్మించడం సులభం. కావాల్సినట్టు ఉంటుంది. రెండు నగరాల మద్యలో నిర్మాణం కనుక మరింత సులభం. ఆ నగరాలు మరో జంట నగరాలుగా వెలుగుతాయి. రాష్టానికి మద్య ప్రాంతం కావడం, విమానశ్రయ నిర్మాణానికి అనువుగా ఉండటం అదనపు అర్హత. ఇక ఉత్తరాంధ్రనుంచి వస్తే...
ఆ) చిన్న పరిశ్రమల కేంద్రం:
ఒరిస్సా, చత్తీస్ గఢ్ లకు ఉమ్మడిగా సరిహద్దు కలిగిన జిల్లా. ఎప్పటినుంచో చిన్న పరిశ్రమలకి అలవాటు పడ్డ జిల్లా. కార్మిక వర్గం ఎక్కువగా ఉన్న జిల్లా, ప్రత్యేక అర్హత.
ఇ) లలిత కళా కేంద్రం:
పూర్వ వైభవం ఈ విషయంలో విజయనగరం జిల్లాకి అర్హత కలిగిస్తుంది. విజయనగరం, విశాఖ జిల్లాల మద్య ప్రాంతం సినీ, సాంస్కృతిక వికాసానికి, అభివృద్ధికి అనువైన స్థలం. రెండు స్టూడియోలు నిర్మాణం ఈ విషయాన్ని మరింత బలపరుస్తాయి.
ఈ) ఐ.టి. కేంద్రం:
రాజధాని కాకున్నా, అంతటి ధీటైన విషయమున్న ఒకే,ఒక్క నగరం (బహుశా దేశంలోనే). ఐ.టి. కేంద్రంగా,హైదరాబాద్ తర్వాత ఎదుగుతున్న నగరం. మేనేజ్ మెంట్ కోర్సులకు మంచి అవకాశమున్న అనువైన ప్రదేశం. సహజ వనరులతో నిర్మించబడ్డ నగరం. ఖరీదైన జీవితాన్ని చవగ్గా ఇవ్వగలిగే అవకాశమున్న ప్రదేశం.
ఉ) హరిత కేంద్రం:
ఉభయ గోదావరి జిల్లాలకి మించిన అర్హత ఇంకెక్కడుంటుంది. ఆకుపచ్చతో అవనికి చీర కట్టచ్చు.
ఊ)వ్యాపార కేంద్రం:
పశ్చిమ గోదావరిలో కొంత ప్రాంతం, బెజవాడ కలిస్తే వ్యాపార, వాణిజ్య కేంద్రంగా అభివృద్ధి సాధించే అవకాశాలు చాలా ఎక్కువ. రాజధాని పక్కనే ఉండటం అదనపు అర్హత.
ఋ) న్యాయ కేంద్రం:
గుంటూరులో హైకోర్టు నిర్మాణం జరగాలి. వాణిజ్య పరంగా మంచి అభివృద్ధి జరిగే అవకాశాలు ఉన్నాయి.
ౠ)పవర్ ప్లాంట్ కేంద్రం:
థర్మల్ విద్యుత్ కేంద్రాలు నెల్లూరు, ఒంగోలుల్లో నిర్మించడానికి పుష్కలమైన అవకాశాలు ఉన్నాయి. కృష్ణపట్నంలో విద్యుత్ కేంద్రం ఒక ఉదాహఋఅణ. ఇలాంటివి మరొక్క నాలుగు సాధించ గలిగితే (3000MW) ఇక రాష్ట్రానికి తిరుగు లేదు.
ఎ) ఆధ్యాత్మిక కేంద్రం:
తిరుపతి, కాళహస్తి, కాణిపాకం .... సాక్షాత్ వైకుంఠం. మెరుగైన వసతులు కల్పిస్తే చిత్తూరు జిల్లా అద్భుతంగా అభివృద్ధి చెందుతుంది. ఈ జిల్లాలో మధ్యం నిషేదించాలి.
ఏ)వృత్తి విధ్యా కేంద్రం:
కడపలో ఇంజనీరింగు కాలేజీలతో పాటు, ఒక విశ్వవిధ్యాలయ నిర్మాణం జరగాలి. వృత్తి,విధ్యలని విశేషంగా విస్తృత పరచడానికి తగిన సదుపాయాలు ఉన్న ప్రాంతం.
ఐ) భారీ పరిశ్రమల కేంద్రం:
భూ వనరులు ఎక్కువగా ఉన్న ప్రదేశం, కర్నూల్, అనంతపూర్ జిల్లాలు. మైనింగుకి అవకాశం, స్టీల్ ప్లాంట్ల నిర్మాణం జరపవచ్చు. భారీ పరిశ్రమలు నిర్మాణం జరిపితే ఈ ప్రాంతాలు విస్తృతంగా అభివృద్ధి చెందుతాయి. సోలార్ విద్యుత్ కేంద్రాల నిర్మాణం జరపడానికి అవకాశమున్న ప్రదేశాలు.

అక్కడితో ఆగిపోకుండా...
1) కాకినాడ-వైజాగ్ మద్య తీర ప్రాంతాన్ని ఆయిల్ & గ్యాస్ బెల్టుగా అభివృద్ధి చెయ్యాలి.
2) వ్యవసాయాన్ని ఒక పరిశ్రమగా గుర్తించి ప్రభుత్వ పర్యవేక్షణలో వ్యవసాయం కొనసాగించాలి.
3) ప్రభుత్వ స్కూళ్లలో 1వ తరగతినుంచి ఇంగ్లీషు మీడియం అమలుపరచి, తెలుగు తప్పనిసరి చెయ్యాలి.
4) కేంద్ర ప్రభుత్వ రిజర్వేషన్లు ఎలా ఉన్నా, రాష్ట్ర ప్రభుత్వం అమలు పరిచే రిజర్వేషన్లలో ఉపాధ్యాయ, పోలీసు, వైద్య రంగాలలో రిజర్వేషన్లు అమలు పరచరాదు.
5) భూ చట్ట సవరణలు చెయ్యాలి, ఒక భూమికి రిజిస్ట్రేషన్ జరిగాక కనీసం సంవత్సరం వరకు మరొక రిజిస్ట్రేషన్ జరకుండా నిషేధించాలి.
6) ప్రతీ మండలానికి కనీసం ఇద్దరు డాక్టర్లతో 50 పడకల వైద్యకేంద్రం ఉండాలి, ప్రతీ ఆరు మండలాలకు ఒక మెడికల్ ఆఫీసర్ పర్యవేక్షకుడిగా ఉండాలి.

ఇలాగ కనక జరిగితే నా సామిరంగా హాంకాంగ్ తయారయిపోదా...
(ఇలా జరిగితే బావుంటుందని ఒక ఆశ... అంతే... )

అక్కడితో ఆగిపోకుండా...1) కాకినాడ-వైజాగ్ మద్య తీర ప్రాంతాన్ని ఆయిల్ & గ్యాస్ బెల్టుగా అభివృద్ధి చెయ్యాలి. 2) వ్యవసాయాన్ని ఒక పరిశ్రమగా గుర్తించి ప్రభుత్వ పర్యవేక్షణలో వ్యవసాయం కొనసాగించాలి.3) ప్రభుత్వ స్కూళ్లలో 1వ తరగతినుంచి ఇంగ్లీషు మీడియం అమలుపరచి, తెలుగు తప్పనిసరి చెయ్యాలి.4) కేంద్ర ప్రభుత్వ రిజర్వేషన్లు ఎలా ఉన్నా, రాష్ట్ర ప్రభుత్వం అమలు పరిచే రిజర్వేషన్లలో ఉపాధ్యాయ, పోలీసు, వైద్య రంగాలలో రిజర్వేషన్లు అమలు పరచరాదు.5) భూ చట్ట సవరణలు చెయ్యాలి, ఒక భూమికి రిజిస్ట్రేషన్ జరిగాక కనీసం సంవత్సరం వరకు మరొక రిజిస్ట్రేషన్ జరకుండా నిషేధించాలి.6) ప్రతీ మండలానికి కనీసం ఇద్దరు డాక్టర్లతో 50 పడకల వైద్యకేంద్రం ఉండాలి, ప్రతీ ఆరు మండలాలకు ఒక మెడికల్ ఆఫీసర్ పర్యవేక్షకుడిగా ఉండాలి.
ఇలాగ కనక జరిగితే నా సామిరంగా హాంకాంగ్ తయారయిపోదా...

ఇదిగో బెదరూ!!! నీ తెలుగు తెలుసుకో

ఇదిగో బెదరూ!!! నీ తెలుగు తెలుసుకో
=========================
ఈ మద్య తెలుగు సినిమాలలో, టీవీ సీరియళ్లలో .... ముఖ్యంగా యాంకరింగులో వాడే కొన్ని తెలుగు పదాల విశ్లేషణ... క్లుప్తంగా... 
ఎవ్వరు పుట్టించకపోతే అసలు మాటలెలా పుడతాయి, వేసుకో వీడికి రెండు.... అన్న చందాన కొన్ని మాటలు అలా పుట్టేస్తుంటాయి, అంతే. వాటి పుట్టు పూర్వత్రాలు పక్కనబెడితే... మీ అసలు ప్రశ్నకి సమాధానంలోకి వెళదాం.
1. తొక్క:- సహజంగా వొలిచి పారేసేదాన్ని తొక్క అంటారు, ఇక్కడ సదరు వ్యక్తికి రుచించని/నచ్చని ప్రతీ విషయం గురించి తొక్క అనే పదం ఉపయోగిస్తారు.
2. తొక్కలోది:- తొక్కలోనిది పండో లేక కాయో ఒలిచేవరకూ తెలియదు ఎవ్వరికైనా... అలాగే సందిగ్ధంలో సదరు వ్యక్తి ఉంటే వారు తొక్కలోది అనే పదప్రయోగం చేస్తారు.
3. పీకావులే:- కలుపు పీకితేనే పంట ఏపుగా పెరుగుతుంది అన్న సత్యం నుంచి ... పరిస్థిని మన అదుపులోకి తెచ్చుకుంటే పీకాడని, లేదంటే ఏమీ పీకలేకపోయాడని ప్రయోగం జరుగుతుంటుంది.
4.బొంగు:- వెదురు బొంగు పైకి దృఢంగా కనపడినా లోపలంతా డొల్లే అనేది ఇక్కడ అర్ధం.... పైకి తెలిసినట్టు కనపడి తర్వాత నిర్ఘాంతపోయే సందర్భంలో ఈ ప్రయోగం జరపబడుతుంటుంది.
5.అదుర్సు:- సహజంగా కంపించేది విపరీత పరిణామాలు లేదా ఊహించని మార్పులు జరిగినప్పుడే... అలాంటి సందర్భంలో ఈ ప్రయోగం.
6.చింపావులే:- తప్పురాస్తే కాగితాన్ని చింపేస్తాంగా... నువ్వు తప్పు చేసావోచ్ అని చెప్పడానికి ఈ ప్రయోగం.
7.ఇరగదీసావ్:- పొయ్యిలో పెట్టే కట్టెల్ని చిన్నవిగా/అనువుగా చెయ్యడానికి విరిపినట్లే... విషయాన్ని అతి సునాయాసంగా ఎదుటివాడికి అర్ధం అయ్యేలా చెప్పగలిగితే ఈ ప్రయోగం చెయ్యవచ్చు.
చివరగా నేను ఇరగదీసాను అని మీరు ఈ సందర్భంగా అనవచ్చు. తెలుగు దేదీప్యమానంగా వెలుగుతోంది. అందరికీ జేజేలు. మీరు ఇద్దామనుకున్న పుణ్యం మొత్తం ఇచ్చేయ్యండి సార్ (కొరియర్ చేసినా/ ఆన్లైన్ ట్రాంజాక్షన్ చేసినా అంతా మీ ఇష్టం

ఆకాశానికెత్తేస్తున్నారు మోడీని, నిజానికి అంతుందా?

నేను రాసిన ఒక మల్లె...
"ఓడినోడి కారణాలు వినేదెవ్వడు
గెలిచినోడ్ని కారణాలు అడిగేదెవ్వడు"

ఆహా మోడీ, ఓహో మోడీ అని మీడియా, మన జీవితాల్లో గొప్పమార్పొస్తొందోయ్ అని ఒక సామాన్యుడి ఆకాంక్ష, రానున్న రోజుల్లో చిన్న పరిశ్రమలకి పెద్దపీఠని ఎదుగుతున్న వ్యాపారస్థుడి ఆశాభావం, నదుల అనుసంధానమట అన్ని కాలాల్లో నీటి ఎద్దడి ఉండనే ఉండదట ఒక సన్నకారు రైతు ఆశ... ఇలా అన్ని వర్గాలవారు ఆశగా ఎదురుచూస్తున్న పరిపాలన... ఇదంతా జరిగి సస్తుందా అని ఒక నిరాశావాది మూతి విరుపు (చివర్లో కొసమెరుపు). బీజేపీ సర్కారనో, NDA సర్కారనో కాకుండా ఇస్ బార్ మోడీ సర్కార్ అని ఊదగొట్టేస్తున్న మీడియా... ఇలా నమో మంత్రం జపిస్తున్న ప్రజలకి ఇతగాడు ఏం జేస్తాడంటారు? వీటన్నిటికి ఇతగాడు అర్హుడేనా? టీ కప్పుల స్థాయినుంచి, పార్లమెంటు మెట్లెక్కిన ఇతగాడు అదృష్టవంతుడా? అద్వితీయ ప్రతిభావంతుడా?

వివరాల్లోకి వెళితే... అదే కె.కె విశ్లేషిస్తే
అంతః కలహాలు:
ఇంట గెలిచి, రచ్చ గెలవాలన్నది పెద్దల మాట. సంవత్సరం క్రితం సైన్యాధ్యక్షుడిగా నియమించ బడ్డప్పుడు, పెదవి విరిచిన పెద్దలెందరో... అద్వాని, సుష్మా, మురళీ మనోహర్ల రూపంలో... అందరిని ఒప్పించి, మెప్పించి ఒక తాటిపైకి తీసుకు వచ్చాడు.

వ్యక్తిగత విమర్శలు:
మత చాందసవాదిగా ముద్రవేసి ప్రచారం చేసిన మైటీ కాంగ్రెస్, సాక్ష్యంగా గోద్రా ఉదంతం... గుజరాత్ రాష్ట్ర అభివృద్ధిని ఉదాహరణ చేసి ఆ మచ్చని తుడిచేసాడు.

రాజకీయ నాయకుడు:
మతతత్వ పార్టీగా అభివర్ణిస్తూ, పార్టీకి పూర్తి మెజారిటీ వస్తే లౌకిక రాజ్యం రూపురేఖలు మారతాయంటూ ప్రచారం చేసిన UPA కి అదేరీతిలో సమాధానం చెప్పి వారి అవినీతి పాలనని ఎండగట్టిన వైనం.

రాజనీతి:
బలమైన ప్రాంతీయ పార్టీలున్నాయని గ్రహించి స్నేహహస్తం అందించే ప్రయతం... కాదన్న వారితో బల ప్రదర్శనకి దిగిన వైనం.
చివరగా ...
నాయకుడు:
1. పార్లమెంటు గుమ్మానికి తన తల తాకించిన భక్తిభావం.
2. పెద్దలెందరో పెదవి విరుస్తున్నా సార్క్ దేశాలకు పదవీ స్వీకరణ మహోత్సవానికి ఆహ్వానంతో సంఘీభావం.
3. UPA ప్రభుత్వం అనుసరించిన మంచి కార్యక్రమాలు యధావిధిగా కొనసాగుతాయని ప్రకటించి, శతౄవు హృదయాలని కొల్లగొట్టిన వైనం
4. ధీటుగా పోటీ ఇచ్చి గెలుపొందిన తమిళ, బెంగాలీ సోదరీమణులతో కలిసి పనిచేద్దాం అని ప్రకటించి, వారుకూడా NDA వైపు మొగ్గుచూపే తరహాలో ప్రోత్సహించడం.
5. పదవులకోసం సిఫార్సులొద్దని ఖరాకండిగా మాట్లాడిన పాలనా దక్షత.
6. కక్ష్య సాధింపులు ఉండవని తేల్చిజెప్పిన ముక్కుసూటి వ్యక్తిత్వం.
7. చెప్పినట్టుగానే నల్లధనంపై, తొలి ఉక్కుపాదం మోపేందుకు చర్యలు చేపట్టిన కార్య నిర్వహణాధికారం.

ఇన్ని లక్షణాలున్నప్పుడు "నమో" అని జపించడంలో తప్పులేదేమో? ఏమంటారు?

నేను రాసిన మరో మల్లె...
"ముందు నడిచేవాడు కాదు,
ముందుకి నడిపించేవాడు,
నాయక్య్డంటే"

కడుపా... నీకు సలాం

సమయం 1.30, ఆకలి దంచేస్తోంది. ఖర్మ... ఆదివారంకూడా ఆఫీసు ఏమిటో, బాసు పెళ్లాం ముండమొయ్య. ఆదివారం అలార్మ్ మోగిన వినపడి చావదుగా మనకి... అది మన బద్దకానికి పరాకాష్ట. వెళ్లాలని ముందే తెలిసినప్పుడు ఒక్క అరగంట ముందే పక్కమీదనుంచి లేస్తే, కాస్త టిఫిన్ తిని ఆఫీసుకి తగలడేవాళ్లం. ఈ బండివాడికి ఆదివారం వచ్చేసరికి, బండి ప్రాబ్లంస్ గుర్తొస్తాయి. డ్రాపింగు మాత్రమే చెయ్యగలను సార్ అని, డ్రాప్ చేసి చక్కా ఉడాయించాడు. ఖర్మకాలి వేరేవాడి బండి ఎక్కాల్సి వచ్చింది. ఈ బండివాడు వీధి,వీధి తిరిగే మున్సిపాలిటి ఎద్దులా అన్ని చోట్ల ఆపేస్తున్నాడు. దానితోపాటు పెద్ద సౌండుతో హిందీ పాటలొకటి. ఖర్మ... చెమటకంపుతో చస్తున్నాం ఆ ఏ.సీ. కాస్త పెంచి చావరాదు. ఈ చర్చి రూట్లో తీసుకొచ్చి చచ్చాడు. రోడ్డుమొత్తం జాం అయ్యి చచ్చింది. ఈ బళ్లు తీసేదెప్పుడు? నేనింటికి తగలడేదెప్పుడు? రోడ్లు తవ్వేసారు... వీళ్ల మొహమ్మండ, ఈ పైపులైను వర్క్ వీల్లెప్పుడు చేసి తగలడతారో... అయినా వీటి గురించి ఎంత తక్కువ మాట్టాడుకుంటే అంత మంచిది. ఎవడికైనా బుర్రుండి సస్తేగా. ఒకడు రోడ్డువెయ్యడం, వేరేవాడు తవ్వడం. అబ్బో నాతిట్లు పూర్తవ్వకముందే ఇల్లు చేరుకున్నానే... అబ్బే 2.30 అయ్యింది. తొందరగానే తగలడ్డాం. ఏం వండిందో ఏమో? కాస్త రెండు చెంబుల నీళ్లు ఒంటిమీద పోసుకుని రావాలి. అబ్బో టమాటా పప్పు, వంకాయ కొత్తిమెర కారం,సాంభార్, ఫేవరెట్ ఆవకాయ... గడ్డ పెరుగు. శెహభాష్.

అమ్మయ్య... ప్రాణం కాస్త కుదుట పడింది. ఒక్క దమ్ము వెలిగిస్తే మజాగా ఉంటుంది.

సమయం 3.30 పాపం ఆ బండి ఆయన ఇలా అందరినీ డ్రాప్ చేస్తూ ఆయనెప్పుడు ఇల్లు చేరతాడో? ఆయనెప్పుడు తింటాడో? Happysu సోమవారం మద్యాహ్నం ప్రెసెంటేషన్ రెడీ అయిపోయింది, లేకపోతే బాసుతో సైతం నేనూ పరుగులెత్తాల్సి వచ్చేది. అయినా ఆయన మాత్రం కావాలని ఆదివారం రమ్మన్నాడా? ప్రెషర్ అలాంటిది. ఆయన ఎక్స్పీరియన్స్ ముందు మనమెంత? ఆ కిషోర్ కుమార్ పాట చాలా బాగుంది. మళ్లీ, మళ్లీ గుర్తొస్తోంది. కనీసం ఆ మాత్రం కాలక్షేపమైనా లేకపోతే డ్రైవర్ చిరాకెత్తిపోడు. పాపం అదే ఏ.సీలో వాళ్లూ రోజూ తిరుగుతున్నారు, ఎంత కష్టమో? పాపం చర్చిదగ్గర ప్రార్ధన చేసుకుంటుంటే ఎంత తప్పుగా అనుకున్నాను. మనం చేసే భజనలకి వాళ్లెప్పుడన్నా అలా అనుకున్నారా? మూడు రోజులకో పూజచేసి మనం ఊదర గొట్టెయ్యమూ. మంచినీళ్ల కోసం పైపులైను వేసేవాడు తవ్వక చస్తాడా? మనకు ముందే తెలిసిన ఆఫీసు పనిని సరిగ్గా ప్లాన్ చేస్కోలేదు. ఇంత పెద్ద ఊరికి కావాల్సిన నీళ్లు ప్లాన్ చెయ్యడం అంత సులభమా? ఎంత శ్రమ పడితే వాళ్లు ఈ స్థాయికొచ్చారు. అబ్బా... భుక్తాయాసంగా ఉంది. పాపం నాకు వేడి,వేడి అన్నం వడ్డించి... నేను తిన్నాక తను తిని, అన్నీ కడుక్కుంటోంది. డామిడ్... నేను ఉదయం సరైన టైముకి లేవక, వీళ్లందరినీ ఇన్ని మాటలు అనుకోవడం తప్పుగదూ...
ఓసి నీయమ్మ కడుపుమాడ, జానెడు లేవు... బారెడు మనిషి ఎన్ని తప్పులు చేయించావే. కడుపా... నీకు సలాం.