గుప్పెడు మల్లెలు-92

1.
ఆట పట్టిస్తే, నోట ఊటే...
ఎవర్నైనా సరే...
నిన్ను కూడానా...ఆలోచించరొరేయ్
2.
మూర్ఖుడితో వాదించకు,
మూర్ఖత్వం వచ్చేస్తది,
ఆడి సీనియారిటి నిన్ను తొక్కేస్తది.
3.
మెదడు మహా గొప్పది,
పనిచేస్తూనే ఉంటది... నిద్రలోకూడా
పుట్టినప్పట్నించి, ప్రేమలో పడేదాకా
4.
ఎదిగింది చూడు...మలేరియానుంచి డెంగ్యూదాక,
డ్రైనేజీనుంచి టి.వి.కవరేజీదాక...దోమ
సరుకుంటే,సిన్న-పెద్దా తేడాలుండవురా మామా
5.
నల్లబొగ్గే, కార్బన్ అణువులు కలిస్తే,
మెరిసే వజ్రం,ప్రెషర్ పెంచి కలిపితే,
ప్రెషరూ మంచిదే...
6.
మనసేం చెప్తే అదిచెయ్,
కాని... అబ్బాయొరేయ్,
మెదడు కూడా కేరీ చెయ్.
7.
గిన్నీస్ బుక్కులో రాయలా,
నోబుల్ ప్రైజ్ కనిపెట్టలా,
అమ్మా! ఇంత పని ... రెండు చేతుల్తో ఎలా?
8.
ప్రియమైన కర్మ...
కాల్చిపోకుండా, వెయిటింగ్ ఏంటమ్మా,
ఎదవల జాబితా, ఈడ పెరిగిపోతుంటే
9.
బతుకన్నది, బతుకుతున్నది
పిడుగుపడితే పోవడానికి కాదు,
వానపడితే, ఆడటానికి
10.
పేడమీద కాలేస్తే, మూన్ వాకొచ్చినట్టు
పొలిటీషియన్ కొడుకైతే సాలేమో...
పదవి,పవరు తన్నుకుంటూ వచ్చేద్ది.
==============================

గుప్పెడు మల్లెలు-91

కె.కె.//గుప్పెడు మల్లెలు-91//
*****************************
1.
దెయ్యం దారి మర్చిపోద్ది,
దరిద్రం కూలబడిపోద్ది,
నవ్వడం తెలిస్తే... కష్టం అయినా
2.
చదివెయ్ ఏదైనా,నువ్వెప్పుడూ శాశ్వతం అన్నట్లు...
బతికేయ్ ఆనందంగా
దునియాలో రేపే  నీకాఖరి రోజైనట్లు
3.
ఎవడిపనో జేసి,మన తృప్తికోసం అన్నామంటే...
ఆడు పిచ్చోడైనా అయ్యుండాలి,
లేదా... పితృసమానుడైనా అయ్యుండాలి.
4.
ఆడ్ని కొట్టు, ఈడికి పెట్టు
అని కొట్టేస్కుంటది ప్రతీ గవర్నమెంటు,
ఈడొక్కడే సపోర్టన్నట్టు...ఈడు ఆడు ఒకటేనెహే.
5.
ఏ తప్పైనా మొదటిసారే మొహమాటం,
అందుకే కంచం పెట్టేముందే...
కాళ్లు, చేతులు కడిగించాలి.
6.
పడిపోవడం జస్ట్ ఒక ప్రమాదం,
పడగొట్టడం,పడుకొనుండడం...
జాతి ప్రగతికే అగాధం.
7.
మంచి,చెడులు ఎంచడం మాత్రమేచేస్తే,
వంచన మాత్రమే కనపడుద్ది,
ప్రేమించడం ఏడ కుదురుద్ది.
8.
చివరకి లెక్కలు తేలనీ,
ఎంతకాలం బ్రతికావని కాదు,
అంత కాలంలో, ఎంత బ్రతికావని
9.
ముందు,వెనక... ఆ పక్క,ఈ పక్క
నీతో పోలిస్తే... నీకెంతుందో తెలుస్తది,
నీ లోపల,బయట పోల్చు... నువ్వేంటో తెలుస్తది.
10.
జీవితం గురించి చెప్పాలంటే,
దీని తస్సాదియ్యా...
దరిద్రాన్ని మించిన గురువేలేదు.
==================================

గుప్పెడు మల్లెలు-90

కె.కె.//గుప్పెడు మల్లెలు-90//
********************************
1.
ఒక టి.వి.,ఒక మొబయిల్ 
చూడలేనివి చూశాం,
చూడకూడనివి చూస్తున్నాం.
2.
గుడి... ఆథ్యాత్మిక కేంద్రం,
అంతర్మదనం జరిగే సంద్రం.
కాని...విషయం గ్రహించం, విషం కక్కుతాం.
3.
ప్రతోడి కోరిక, ఉండాలని స్వర్గంలోనే
ఆడు మాత్రం ప్రవర్తిస్తాడు,
ఉండేదెప్పుడూ సంతలానే
4.
ఆడాళ్లు రాజ్యాలు ఏలుంటే,
జరిగిన యుద్ధాలన్నీ,
అభద్దాలు అయ్యుండేవేమో!!!
5.
చచ్చేక ఏమవుతాం, అనే శ్రద్ధ
బతికుండగా ఏం చేద్దాం,
అని లేదెందుకురా నరుడా!!!
6.
డబ్బు నీ కాలి చెప్పు,
నీ జోడు నెంబరు ఏడైతే,
ఆరేస్తే కరుస్తది, ఎనిమిదైతే పడేస్తది.
7.
నిన్ను తక్కువన్నాడొకడు,
నువ్వు ఒప్పుకోకపోతే,
అది నిజమయ్యేదెప్పుడు.
8.
గుంపులోనే ఉంటే, అది లేకుండా నడవలేవ్,
ఒంటరిగా నడిచి చూడు,
మునుపెవ్వడు రానిచోట, నువ్వుంటావ్.
9.
సమస్య ఒక నీళ్ల బావి,
చుట్టూ తిరక్కు, దూకి చూడు,
ఈతా వస్తది, లోతూ తెలుస్తది.
10.
నేను, నిన్ను చదివేశాను,
అంటాడో మూర్ఖుడు...
నిన్ను, నువ్వు చదివితే చాలంటాడు బుద్ధుడు.
==============================

గుప్పెడు మల్లెలు - 89

కె.కె.//గుప్పెడు మల్లెలు - 89
**************************
1.
చస్తేవచ్చే నష్టం తక్కువే,
పోల్చి చూస్తే...
బతికుండగా లోపలి మనిషి చస్తే
2.
నచ్చిన పనిని పట్టు,
నౌకరీగా దొరకబట్టు,
ఒట్టు... అపుడు కూర్చోబెట్టి, కూలిచ్చినట్టు
3.
స్టాండులేని బండిరా జీవితం,
నడవాలంతే...నడుపుతూ పోదాం,
లేకపోతే... పడతాం.
4.
ఏడిస్తే, నవ్వే లోకం...
నువు నవ్వితే, ఏడుస్తుంది,
అలాగని నిద్దరోకు...వదిలేస్తుంది.
5.
ఎండ కాల్చేస్తొందట,
చలి కొరికేస్తోందట.... ఎందుకట?
అని ఆలోచించరెందుకట
6.
జీవితంలో హాస్యరసం,
బాధలో వచ్చే నీరసం..రెండూ ఔషధం,
కొలిమిలో కాల్చే ఇనుముకోసం
7.
నువ్విచ్చింది, నీకు ఖర్చెట్టడం,
అదేకదా... ప్రభుత్వం,
మరి ఈ దా(దో)చేస్కోడం... ఏంటి చెప్మా!!!
8.
పుట్టుకతో ప్రతోడు పిచ్చోడే,
కొందరికి కలం వైద్యం అందింది,
కొందరికి కులం సోకింది...ఎదుగుదల ఆగిపోయింది.
9.
ఎవడికాడే సీత, ఏదో ఒక బాధ,
ఎడిటింగ్ సేసి సూడండహే...
బాగుంటది... మీ సినీమా కధ
10.
పైనకాసే పండు కావాల,కిందున్న దుంపా కావాలా,
లాజిక్కు మిస్సవ్వకురో...
కావాలంటే... మద్యలో సెట్టుండాలా
====================================

గుప్పెడు మల్లెలు-88

కె.కె.//గుప్పెడు మల్లెలు-88// 
************************
1. 
ఉరి తియ్యొచ్చేమో గానీ,
ఓడించేవాడు లేడు,
మనిషిని... వాడి మనసునీ...
2.
తాడుకి చివరున్న ముడి,
ఆశ అంటే,
తుదకంటూ జారినా, పడనివ్వదు
3.
మార్పు సహజం,
నిజం...
అదొక్కటే సహజం
4.
ఏవడో, ఎవడితోనో పోలిస్తే... నీకేం?
ఆడ్ని, ఈడ్ని కలిపి చదివేయ్...
జ్ఞానం పెరుగుద్ది.
5.
మెదడొక పుష్పకవిమానం,
ఎంత నేర్చిన...
ఇంకాస్త ఖాళీ ఖాయం.
6.
అద్భుతాలు అక్కర్లేదు,
అద్భుతంగా చేస్తే చాలు,
పనులైనా... పలుకైనా...
7.
స్వతంత్ర్యం అంటే,
సంతోషం...
మన స్వతంత్ర్యానికి ఎన్నేళ్లో?
8.
ప్రాణమితృడు పారిజాతం,
దొరకడం కష్టం...
దొరికితే అదృష్టం
9.
జారిపడితే,
లేపుతారు...
కాసేపైనా నవ్వుకున్నాకే
10.
మెదడూ, మొబయిల్ ఒక్కటే
అని ప్రచారం చేస్తే సరిపోద్ది,
ప్రతోడు వాడేస్తాడు.
===========================

గుప్పెడు మల్లెలు-86

కె.కె.//గుప్పెడు మల్లెలు-86//
************************
1.
గెలుపన్నది కాదు శుభంకార్డు,
ఓటమెప్పుడూ కాదు మూసిన గేటు,
ప్రతీ ఆటలో ఇవి ఆటు,పోటు.
2.
విలువలు కాపాడ్డం కన్నా,
విజయం పొందడమే మిన్న...ఎలాగైనా,
లేదంటే టీవీల్లో కనపడ్డం కష్టమ్రా కన్నా
3.
తవ్వుకుంటూ పోతే, దానికంతమేదీ?
నిఘంటువర్ధం ఎక్కడని వెదికేదీ?
బెడ్రూం కెమేరాలేగా ఇప్పటి జర్నలిజం వ్యాధి.
4.
ద్వేషం మిగులుస్తుంది బోల్డు కాలం,
అవసరమే లేదు కనుక్కోవడం,
ఏది నిజం, ఏది అబద్ధం.
5.
కూడు, నీడ, గుడ్డ కనీస అవసరం,
ఎవరికైనా సరే...
ఆడోళ్లైతే ... కాస్త పొగడ్త... కదా!!!
6.
దేవుడు నీకు సోడా ఇస్తే,
ఎవడికో వోడ్కా ఇచ్చేవుంటాడు...
కలిసి పార్టీ సేస్కో ఎహే...
7.
సస్పెన్సు భలేగుంటది,
క్లియరయ్యేదాకా కూర్చోనివ్వదు,
క్లియరైతే మళ్లీ చూడనివ్వదు.
8.
ఎవడిగురించి లేదా చెప్పడానికి మంచి,
అయితే మర్చిపోవడమే బెటరేమో...
మాట్లాడటం గురించి
9.
స్టాక్ మార్కెట్ ఒక కామెడీ,
ఒకడు అమ్ముతాడు, ఇంకోడు కొంటాడు
ఆడు,ఈడూ... రైటే అనుకుంటాడు.
10.
గంట, ఘడియవుద్ది ఆమెతో ఉంటే,
క్షణం, యుగమైపోద్ది ఆమెకై ఎదురుచూస్తుంటే,
కాలం లెక్కేవేరు... ప్రేమలో ఉంటే.
======================================

గుప్పెడు మల్లెలు-85

K.K.//గుప్పెడు మల్లెలు-85//
********************************
1.
తప్పులెన్నో లెక్కచూస్కో నీలో,
అప్పుడదే దొరుకుతుంది,
వాటి దారిమళ్లించే మార్గం
2.
అదుపు తప్పనిది ఏదీలేదు,
ఈడ... జనులెవ్వరిలో,
జరాసా... ఆతృత తప్ప
3.
జోగి,జోగి కలిస్తే బూడిదేనంట,
నాన్సెన్స్... లెక్క తెలీదా,
ఋణం, ఋణం గుణిస్తే ధనం కదా
4.
కళ్లను మించిన వగలాడి లేదు,
కునుకు తీసేప్పుడు తప్ప
కధలు,కబుర్లు మానదు
5.
ఎన్నాళ్లురా ఈ తుచ్చ రాజకీయం,
ఒట్టి గంజి నీళ్లేనా మా జీవితం
ఎన్ని త్యాగాలైనా చేసి, ఉప్పుకూడా సాదిస్తాం.
6.
ఉక్క పోస్తోందని దుఃఖ పడితేనో,
పక్కవాడికి చెప్పి గుక్క పెడితేనో
తగ్గుతుందా మండే ఎండ... ఒక్క మొక్కైనా నాటకుండా
7.
పేదోడంటే మా సెడ్డ ప్రేమ... అందుకే,
ప్రతీ బడ్జెట్ తోనూ ప్రభుత్వం,
ఆళ్ల సంఖ్య పదిరెట్లు పెంచే ప్రయత్నం
8.
మనం దేవుడితో చెబితే
ప్రార్ధన అని అంటున్నామా...
ఆయన చెప్పింది ఒక్కటైనా వింటున్నామా
9.
పంచభూతాలు దేవుడిచ్చాడు,
ఆరో భూతం మనోడు తెచ్చాడు
అది ప్లాస్టిక్ లే ... తమ్ముడూ
10.
ప్రతీరోజూ అదే వింత,
ప్రపంచంలో ఏడుపులన్నీ
సరిగ్గా పేపర్లో సరిపోయేటంత
=========================

గుప్పెడు మల్లెలు-84

కె.కె.//గుప్పెడు మల్లెలు-84
******************************
1.
గెలిచినోడు నోరిప్పడుగానీ,
వెనకదాగిన రహస్యం...
ఆడు మొదలెట్టడమే
2.
పక్కవాడ్ని దాటాలనుకోవడం,
పసవున్న పోటీతత్వం...
నలుగురినీ దాటించడమే దైవత్వం
3.
కళ్లు నెత్తికెక్కితేనే
కొలవగలమోయ్ ఆకాశపు ఎత్తులు...
మరవకుండా నేలమీద కాలి గుర్తులు
4.
"అంతా మన తలరాతే" అంటుంటారంతా,
ఒక పేజీలోనే రాసుంటుంది అదంతా...
రాసుకోవాల్సింది నువ్వే, మిగిలిన పుస్తకమంతా
5.
గీతదాటినోడి చెంప,
మోత మోగించాలనిపిస్తుంది కదా...
అంతా అలా అనుకుంటే నీ బుగ్గ కమిలిపోదా
6.
ఎరువెయ్యకు, అభద్దాల పైరుకి
కర్మకాకి పెరిగిందా...
మరణమే సుఖమనిపిస్తుంది జీవితమంతా
7.
ప్రేమన్నది ఒక ప్రేతాత్మేనంట,
కధలు,కధలుగా చెప్పుకుంటారంతా,
కళ్లతో చూసింది సముద్రంలో కాకిరెట్టంత
8.
వెలుగు నేరుగా చూడవోయ్,
తోడు ఉన్నా, లేకున్నా
నీడ సైతం నక్కదా నీ వెనకన
9.
నిర్లక్ష్యం కూడా నజరానావే,
లేకపోతే...
ప్రతి సమస్యా జరిమానావే
10.
తెలివిగా ఉన్నప్పుడు
నరకంలో ఉంటే,
నిద్దరోయే టైముకి స్వర్గం దొరుకుద్ది.
==========================

గుప్పెడు మల్లెలు-83

1.
మానవత్వం అనేది పెద్ద జోక్ అయిపోలా,
ఆదిమానవుడికి నవ్వడం తెలిసుంటే
ఉండేదా ఇలా?
2.
నిరుద్యోగం ఒక సమస్యా...
చర్చిస్తున్నాం ఇంతలా?
ప్రేమకు ప్రైస్ టాగ్ కట్టేస్తే పోలా.
3.
చీకటిని తిడతావెందుకు?
దీపం వెలిగించడం మానేసి,
ఇప్పుడెందుకీ ఏడుపు, డబ్బులకి ఓటేసి
4.
"రేపు" అన్న దానికీ హద్దులున్నాయ్,
దాని దగ్గర, ఈ రోజు పుట్టిన
నీ సందేహాల పద్దులున్నాయ్.
5.
ప్రేమ ఒక ఇటుక బట్టి,
కాబట్టి... ఇల్లు కట్టావచ్చు,
కప్పెట్టి సమాధి కట్టావచ్చు.
6.
స్వార్ధం అనేది నార్మల్ కాదు,
ఈ రోజుల్లో అది....
జస్ట్ .... కామన్.
7.
సముద్రాన్ని కొలవాలంటే,
ఒడ్డు కనబడకూడదు,
లక్ష్యం అందలేదా! పడ్డ శ్రమ చాల్లేదు.
8.
ఎలాంటి వలలో చిక్కుకున్నాం,
మొదటి ఊహనుంచే మొదలెట్టేసాం,
మనల్ని మనం మోసం చేసుకోవడం.
9.
ఎక్కడున్నావన్నది
పెద్ద విషయం కానేకాదు,
అక్కడున్నావ్...అదీ నిలబడే ఉన్నావ్.
10.
హీరో అంటే ఎవడు?
మనకన్నా ధీరుడా...కాదు...
కాస్త ఓపిక ఎక్కువున్నోడు.
========================
Date: 20.01.2015

గుప్పెడు మల్లెలు-82

1.
ప్రయత్నిస్తాననకు... అది లేనేలేదు,
ఉన్నవి రెండే...
చెయ్యడమో, మానెయ్యడమో
2.
పొరపాటు చేస్తే,
సరిదిద్దుకోవాలిలే...
లేదంటే... అది పొరపాటేలే
3.
ఇరుక్కుని కూర్చోవడమెందుకోయ్,
విసుగొచ్చేవరకూ...
ఆలోచిస్తూ... నిలదొక్కుకునేందుకు
4.
మనసే కఠినం, మన శరీరంలో
మనషులం కదా...
మృదుత్వం ఉండేది చేతుల్లో
5.
ఇరవయ్యేళ్లో,అరవయ్యేళ్లో
ఎన్నాళ్లు బతికి ఏం లాభం?
ఎంతోకొంత గుర్తించకుంటే ఈ ప్రపంచం.
6.
"అది అసాధ్యం" అనేవాడు,
అటువైపుగా రానేరాడు...
ఆ పని నువ్వు చేసేటప్పుడు
7.
కన్నీటి పొరని
కంటికి అంటనివ్వనోడు...
కళ్లముందుదేదీ చూడలేడు.
8.
నీ చాయ ఉండాలి,
నిన్ను నమ్మిన ప్రపంచంలో...
లేదంటే...నువ్వున్నట్లే చీకట్లో
9.
వారాంతం లెక్కలోకి రాదు
వాడేస్తే తప్ప...
ప్రణాళిక లేకుండా
10.
లైఫంటే ఒక కాక్ టైల్,
మిక్స్ చేసుంటాయ్ కష్టాల్, సుఖాల్
లేదంటే నో కిక్ ఎటాల్.
==========================
Date: 15.01.2015

గుప్పెడు మల్లెలు - 81

1.
రుద్దిన ప్రతీసారీ,
నొప్పని ఏడిస్తే... మెరుగు ఎలా?
మణి కైనా... మనకైనా...
2.
మనిషెంత ఎదిగితే,
దాక్కునే ప్రదేశం అంత తగ్గిపోతుంది,
అందుకేనేమో... మానేసారు చాలామంది.
3.
ఓడ భద్రమే... ఒడ్డునుంటే,
అక్కడే ఉంటే....
నవ్విపోరా... దాన్ని ఓడ అంటే
4.
ఒక్క గెలుపొస్తే ఆపేస్తామా,
ఒక్క ఓటమికే మానేస్తామా,
ఏది, ఏమైనా... ఆడక చస్తామా
5.
నిన్ను,నువ్వు వెతుక్కోవడమో,
కనుక్కోవడమో కాదు జీవితం,
అది...నిన్ను,నువ్వు సృష్టించుకోవడం.
6.
ఒక తలుపు మూసుకుపోతే,
వేరేది తెరిచే ఉంటుంది,
మనమే... మూసిన దగ్గరే ఉండిపోతుంటాం.
7.
హర్రర్ సినిమా చూసాక,
మిర్రర్ చూసినా పుడుతుందోయ్ భయం,
కానీ...ప్రతీ సినిమాలో దేవుడిదేనోయ్ జయం.
8.
ప్రతీవాడు కళాకారుడే,
గీసేస్తుంటాడు, ఊహాచిత్రాలు,
అవున్లే...విజ్ఞానికేగానీ, ఊహలకేవీ హద్దులు
9.
సుఖంగా బతకాలంటే ...
కన్ఫ్యూజనొద్దు,కనిపించినవన్నీ అద్భుతమనుకో...
లేదా... అద్భుతమన్నది అస్సలు లేదనుకో
10.
అమాయకత్వంలో అందం,
పిచ్చిలో తత్వం దాగుంటాయ్...అందుకే...
లోకాన్ని వాటికి నచ్చినట్టు చూస్తుంటాయ్.
==================================
Date: 28.12.2014

గుప్పెడు మల్లెలు - 80

1.
ప్రపంచమంతా విద్యార్ధులే,
జీవితంలో పరీక్షలొచ్చాయో...
నైట్ అవుట్లే
2.
దేవుడిచ్చాడు మగాడికి,
మెదడు,మర్మాంగం ఒక్కొక్కటే
నెత్తురు మాత్రం... పనిజేసేందుకు ఒక్కటే
3.
ఉండాలోయ్ అమ్మాయికి మంచి గతం,
అబ్బాయికి మంచి భవితం,
అవిలేని పెళ్లికి, ఎందుకోయ్ కులం,మతం.
4.
మనిషి, తాను తప్పుచేసానని,
చప్పున ఒప్పుకునేది...
మరుపు మెదడు తట్టినప్పుడే
5.
నరకం స్పెల్లింగు
నూరుసార్లు దిద్దినట్టే,
భాషరాని చోట, భావం ప్రకటించాలంటే
6.
గిట్టుబాటుకాని పట్టింపులు,
అసందర్భంగా ఢీకొనే అభిప్రాయాలు,
ఇవే... మద్యదూరాల కొలమానాలు
7.
అలోచిద్దాంలే, జుట్టు తెల్లబడ్డాక...
అనుకుంటూ ఉంటారు అంతా,
రంగు పూసేస్తారు తెలుపు కనబడకుండా
8.
పగటిపూట పట్టుదప్పి కిందపడ్డ కాలు,
రాత్రంతా ఎత్తులో మహరాజులా...
బళ్లు,ఓడలౌతాయ్... నమ్మకతప్పదు.
9.
కప్పు నిండుగా కాఫీ ఉండగా,
తుమ్మొస్తే భలే ఉండదా,
నిస్సహాయ స్థితికి నిదర్శనం ఇదేకదా!
10.
విచక్షణన్నది మనలో వాణి ,
హెచ్చరిస్తుంటుంది ఎల్లప్పుడూ
మనల్నెవరో వాచ్ చేస్తున్నారని.
===========================
తేదీ: 06.11.2014

గుప్పెడు మల్లెలు-79

1.
పదార్ధాల కల్తీ పాడుజేసేది దేహాన్నే,
ఇక్కడంతా ఆశయాల కల్తీ
పాతరేస్తోంది దేశాన్నే
2.
పూలమాటున కత్తికన్నా,
ఎంతో నయం... కసిరే బెత్తం,
ఆలోచించవోయ్... అది ఆప్తుల కోపం
3.
తలపైకదా చల్లాలి...
కళ్లలోకి విసిరితే ఎలా అక్షింతలు,
గుండె రక్కి చెప్తే ఎలా సూక్తులు
4.
ఎంత గడ్డేసినా ఎద్దు పాలిస్తుందా?
అది పిసినారి చెయ్యరా నాయనా,
పొగిడినంత మాత్రాన జాడిస్తుందా
5.
నడిపే రక్తం కుళ్లిపోతే...
నడక ఎలా శరీరానికి,
ప్రతీచోట కోటా,ప్రగతి ఎలా సమాజానికి
6.
అది ఈగ...పాలైనా,పేడైనా
వాలడం దానికి పసందే,
కొందరంతే... సహజగుణం పరనిందే
7.
పెద్దపులైనా తోకతెగితే కామెడీలే,
ఆం ఆద్మీ! పదవి మద్యలోనే ఊడిపోతే,
పరిహాసం తప్పదులే
8.
నాటిన మొక్కకి నీరందకపోతే,
ఫలం చేతికందొస్తుందా...
ప్లాన్ చేసి ఊరుకుంటే ఫలితం వచ్చేస్తుందా
9.
కాలమొక అనంతవాహిణి,
క్యాలెండర్లో ఇమడదులే
స్పందించే హృదయం,తనువులో ఒదగదులే
10.
పదుగురూ నమ్మిస్తేనే పదవి,
వెధవ్వేషాలెయ్యకురోయ్,
గరిమను, చులకన చెయ్యకురోయ్
========================
Date: 21.08.2014

గుప్పెడు మల్లెలు-78

1.
ఎదుటివాడు శతృవనా,సైనికుడి యుద్ధం, 
కాదు...వెనకున్నది మనవాడని,
చాలా సార్లు మనమూ అంతే.
2.
ఆడి చావుకి నువ్వెళ్లావని,
నీ చావుకి ఆడు రావడం కుదురుద్దా?
లైఫ్ అంటే వ్యాపారం కాదురోయ్.
3.
చేసిన పనే చేస్తూ,
కొత్త రిసల్టు కావాలంటే ఎట్టా?
కల నిజమవ్వాలంటే, కృషి చెయ్యాలోయ్
4.
చూపుడు వేలెత్తేముందు,
కడుక్కో ఒకసారి నీ చేయి,
మురికిలేని చేతులు లేవోయ్
5.
జీవితం ఒక నాటకరంగం,
దేవుడికి బోరుకొడితే,
ఆ పాత్రకి చావే... కొత్తగా బతుకు.
6.
ప్రతీపనీ,రేపు చేద్దామంటే ఎలా?
జాగ్రత్తరా నాన్నా...
ఎల్లుండకి అస్సలు పనే ఉండదు.
7.
బతుకు సుఖం,చావు శాంతి
ప్రతీవాడి నొప్పీ...
ఈ మద్యలో ప్రయాణమే.
8.
దేవుడ్ని పళ్లిమ్మంటే,
నిమ్మ పళ్లిచ్చాడని,
పక్కోడి కంట్లో పిండేస్తే ఎట్టా?
9.
మనఖర్మేంటంటే... సైన్సు మహావేగం,
అది అందుకోలేని సమాజం,
అందుకేనోయ్, చాలాచోట్ల అంధకారం.
10.
ఒక్కోసారి ప్రశ్నలే కష్టం,
సమాధానాల కంటే...
మూడక్షరాలతో పోద్ది, "తెలీదు" అంటే
========================
Date: 30.07.2014

గుప్పెడు మల్లెలు-77

1.
కురులు చిక్కగావుంటే,
కొప్పు కుదరడం సులభం,
మంచోడన్నాక...గుర్తింపు సహజం
2.
చెప్పేదెప్పుడూ తెలిసిందేగా,
వినడం మొదలెట్టు... సామిరంగా,
ఒక్క విషయమైనా తెలుస్తుంది...నీ మీదొట్టు. 
3.
ఒంటి సత్తువ తగ్గిందంటే,
ఉండదులే పెదవిమోహం,
కట్టె కాల్తున్నా... చావదులే పదవిదాహం.
4.
సృజనశక్తి నశిస్తే,భజనపాటే శరణ్యం,
రోజూ నువు కొత్తగా పుట్టకపోతే,
నీ ఉన్నతి అన్నది శూన్యం.
5.
తంబాకు నోటికి, జిలేబి సహిస్తుందా?
పెడమాటలు వినే చెవికి,
ప్రియసూక్తి రుచిస్తుందా.
6.
పెరిగిన జుట్టుకి, పెట్టిన విగ్గుకి
తేడా గుర్తించడం ఏమంత కష్టం,
కళ్లలోకి చూడు,తాత్పర్యం స్పష్టం.
7.
పదార్ధాల కల్తీ పాడుచేసేది దేహాన్నే,
పడకండిరా యువతా! మత్తులో...
పూర్తిగా ఆర్పేస్తుంది దేశాన్నే
8.
నటించే చిరునగవుల కన్నా,
నయం సుమా కసిరే బెత్తం,
మాట కాదు... మనసు చూడరా నేస్తం.
9.
అందమైన చందమామది,
మచ్చనెందుకు వెదుకుతున్నావ్?
చచ్చేటంత చిరాకుతో, బ్రతికి ఏం సాధిస్తావ్.
10.
కుక్కలు విస్తరికై కుమ్ముకుంటున్నాయ్,
పదవికోసం నాయకుడొకడు...
'చీ'అంటే అవి పోతాయ్, ఏమనాలో ఇపుడు.
==========================
Date: 17.06.2014

గుప్పెడు మల్లెలు-76

1.
భయమెందుకోయ్,బ్రతుకంటే
బయటికంపేదెవ్వడు,
బతికుండగా నిన్ను
2.
మధువిచ్చి దీవించాడు దేవుడు,
మహాప్రేమ మనిషంటే,
రోదిస్తున్నాడు,మంచినీళ్లబదులు వాడేస్తుంటే
3.
జాలిపడే విషయం ఏంటంటే,
గాలివాటం మనం మార్చలేం,
తెలివైనోడికే తెలుస్తుంది దాన్ని వాడుకోవడం
4.
నీకు గుర్తుపట్టడం తెలిస్తే,
పక్కనున్నోడి ప్రతిభని...
నీ ప్రతిభ తెలుస్తుంది,ఎవ్వరైనా కొలిస్తే
5.
తప్పదులే... అప్పుజేసైనా
ఆర్భాటంగా చేస్కోవాలి,
పెళ్లి,చావు పదిసార్లు రావుగా
6.
నీ అనుమతిలేకుండా,
చిన్నబుచ్చేదేదీలేదు,నిను లోకంలో
బాల్యంలోనే బలమొస్తుందోయ్ శోకంలో
7.
చీకటిని,మరో చీకటి తొలగిస్తుందా?
ఎవడో 'చీ' అన్నాడని,పేచీపడకు,
ప్రేమే గెలుస్తుందోయ్ కడకు
8.
విజ్ఞానికే హద్దులు... ఊహలకుంటాయా?
నువు వినని కధలున్నాయ్, నీలో
విను... నిజాలవ్వక ఊరుకుంటాయా?
9.
సివరాకరికి సివాలెత్తేది,
ఆడెవడో తిడితే కాదు,
మనోడు... అన్నోడు, మాట్టాడకుంటేనే
10.
నిరీక్షణ బాధిస్తుంది,
మరిచిపోవడం వేధిస్తుంది,
కానీ, ఆ గాయం శోధిస్తుంది.
=======================
Date: 13.06.2014

గుప్పెడు మల్లెలు-75

1.
భోజనం అరక్కపోతే,
డైజీన్ గోళీలుంటయిరా,

కారణాలు చెప్పాలంటే,పురాణాలే ఆసరా
2.
సుఖమైనా,దుఃఖమైనా కన్నీళ్లే,
కోరుకోరోయ్ ముందు నెంబరే,
టైం మిగులుద్ది, తుడవక్కర్లే
3.
కాంతివేగం లేదులే,
ఏ చరానికి లోకంలో...
ౠజుమార్గం లేని రూమర్లకు తప్ప
4.
ఈత రానోడు ఏట్లో పడ్డట్టే,
కొత్తగా మనం ఏం నేర్చుకుంటున్నా,
గజీతగాడైనా, మొదటిరోజది మామూలే
5.
గుడ్డుమార్నింగ్ అన్నమాటే,ప్రతీనోట
శుభం ఆడికో, ఈడికో చెప్పకుండా
నమస్కారాలు మునిగినట్టున్నాయ్ నట్టేట
6.
ఈ ప్రపంచం ఒక నాటకరంగం,
మనమంతా పాత్రదారులం,
ఓరి దేవుడా! ఏమిటీ చెత్త నటవర్గం.
7.
సారాయి మరిగినోడైనా,
బారునొదిలేస్తాడేమో కాని,
గ్రంధం మరిగినోడు,ఆ బంధం వీడిరాడు.
8.
ఒట్టేసి మరీ చెబుతారు అబద్దాలు,
అదేదో బులెట్ ప్రూఫ్ జాకెట్లా,
నిజం షార్ప్ షూటర్రోయ్, గురెప్పుడూ బుర్రకే
9.
మరుపన్నది అలవాటైతే,
మంచి సాధన చేసినట్లే...
విచక్షణలో గౌరవ డాక్టరేట్ పొందినట్లే
10.
విజయం నాదేనంటే... అవకుండానే యుద్ధం,
విషయమ్మీద అవగాహన లేదని అర్ధం,
దానికి మరోపేరే అహంకారం.
==========================
Date: 03/06/2014

Lik

గుప్పెడు మల్లెలు-74

1.
గంట, ఘడియైపోద్ది అమ్మాయితో మాట్లాడుతుంటే,
ఘడియ, గంటైపోద్ది ఇంటర్వ్యూలో కూర్చుంటే,
కె.కె. తేడా ఎక్కడుందంటావ్?
2.
పాడులోకం అనుకుంటే అంతా ఈజీనే,
బాగుచేద్దాం అనుకుంటేనే...
రోజు ప్లానింగైనా కష్టమే
3.
"నేనేమనుకున్నానంటే"
అని ఎప్పుడూ అనకు,
ఎందుకనున్నావో కూడా చెప్పాల్సొస్తది.
4.
మతం చెబుతోంది మనుషుల్నొదిలేసి....
అక్కడెక్కడో దేవుడున్నాడని,
డబ్బులిస్తేనే కనబడతాడని.
5.
చరిత్రకి జాలెక్కువేమో,
అస్సలు కాదనదుగా...
కధలెన్ని అల్లిచెప్పినా...
6.
చాలాసార్లు...నోరు డెలివరీ చేసేలోపే,
బుర్ర నాలిక్కరుచుకోమంటుంది,
అందుకేనేమో థింక్ ట్వైస్ అనేది.
7.
కాలం ఒక మహా ఔషధం,
ఎక్కువగా వాడితే...
అయిపోతుందోయ్ అదే విషం
8.
బాల్యం,యవ్వనం,వృద్ధాప్యం...
అన్నింటికీ ఉందోయ్ కాల పరిమితి,
అజ్ఞానమ్మాత్రం ఒదిలేసావెందుకోయ్ భగవతి.
9.
పక్కోడు చేసిన తప్పులైనా,
అవన్నీ నీకు పాఠాలేరా నాన్నా,
అంత టైంలేదు అవన్నీ ఓసారి చేద్దామన్నా
10.
కష్టపడితేగానీ గెలవలేం,
గెలిచాక మరింత కష్టపడతాం,
అందుకు ఆనందిస్తున్నోళ్లెందరోనని
=========================
తేదీ: 15.05.2014

Like

గుప్పెడు మల్లెలు-73

1.
నిన్న భూతం,రేపు అనుమానం,
నేడొక్కటే నిజం, అందుకే...
అది కాలం అందించిన "వర్తమానం"
2.
అందరికీ తెల్సిందే జీవితం చిన్నదని,
అయినా వీళ్ల దుంపతెగ,
తొంగి చూడ్డమెందుకో పక్కోడి జీవితంలోకి...
3.
అడిగింది లేదని చెప్పకుండా,
ఉన్నదేదో తెచ్చేసే హోటల్ సర్వర్లా,
అదృష్టం బహుచిత్రం సుమీ
4.
బాల్యంతోనే బతుకు ముగిసిపోద్ది,
మిగిలిందంతా చావే,
కప్పెట్టడమో,తగలెట్టడమో లేట్... అంతే
5.
ఇప్పటి బిజీలైఫ్ 120లో పరిగెడుతోంది,
చమురుకోసం చూసి 40లోకి తెచ్చామో,
చెమట చమురుతో నడపాల్సొస్తోంది.
6.
ప్రతీ కుక్కకి ఓ రోజుందట,
ఆ రోజు ఎప్పుడొచ్చిందో,
ఎప్పుడు పోయిందో తెలీలా... పాపం.
7.
పిల్లల బతుకుల కోసం,
బిల్డింగులు కడుతున్నారు,
చెట్లునరికి సమాధులూ కడుతున్నారు.
8.
"బాలు" మైకు బదులు బ్యాటు పట్టుకుంటే,
ఆయనా తిట్టుకునేవాడు నీలాగే,
అందరూ ప్రతిభున్నోళ్లే... ఎక్కడుందో తెలీదంతే
9.
పుస్తకాల్లో ఆరోగ్యం చదవకు,
అచ్చుతప్పు పడిందో...
అనుమానంతోనే పోతావ్.
10.
చాతీ సంకోచ,వ్యాకోచాలు పీల్చే దమ్ము మీదే,
జీవితంలో చీకటి,వెలుగులు
కె.కె. నువ్వు చూపించే ధైర్యమ్మీదే
=====================
Date: 05.05.2014

గుప్పెడు మల్లెలు-72

1.
దీపం ఉంటేనే వెలుగివ్వగలమా?
దీపాన్ని అద్దంలో చూపించినా వెలుగే,
మనసుండాలంతే... మార్గాలెన్నో
2.
పచ్చిమాంసం తినేవాడికి,
బచ్చలికూర రుచిస్తుందా?
వాగ్దానాలు ఎన్నిజేసినా......
3.
అర్ధంకాని పద్యంలో
అలంకారాలు ఎన్నుండి ఏం లాభం?
పై,పై మెరుగులతో రాదులే ఆత్మసౌందర్యం
4.
చీకట్లను తోలే పొద్దంటే,
గుడ్లగూబకు చిరాకే,
మంచిజేసినా మాటొస్తది, ఒదిలేయ్.
5.
సుష్టుగాతిని తొంగుంటే అది భోగం,
పక్కనోళ్లు కాకుల్లా పొడుస్తున్నా,
పక్కమీద ఒళ్లుమరిస్తే, అదే యోగం.
6.
జుట్టన్నాక చిక్కుపడుతుంది,
సర్దుకుంటే పాపట కుదురుతుంది,
అదేపనిగా దేవుడ్ని చిరాకెట్టీక
7.
చెట్టు పచ్చగుంటుందా, చీడ వేరుచేరాక,
బడికెళ్లే బచ్చాగాడికెందుకోయ్,
కులం కాలమ్మ్... చెరిపేయ్.
8.
దొంగరాకుండా కట్టడిచేస్తావ్,
దుస్వప్నం రాకుండా ఏం జేస్తావ్?
మంచోడిగా బతకాలంతే... వేరే దారేలేదు.
9.
ఎద్దు వీపుమీద పుండుని,
గెద్ద,కాకి ఎందుకు పొడుస్తాయ్?
నోటిదురదకి మందులేదు, ఎదవల్ని వెలేసెయ్.
10.
పుట్టిన బిడ్డని, కుట్టిన గుడ్డని
చూసినప్పుడు ఎవరికైనా తృప్తే,
ఎవరు ఆనందించరోయ్ కె.కె, మంచిమాట చెప్తే.
==========================
Date: 07.04.2014