అందలేనిదేదో అందుతుందని అపేక్షించకు మిత్రమా!!!
అందుబాటున ఉన్నది నీది కాదని ఉపేక్షించకు నేస్తమా!!!
నీలికంట్లో, నలక పడినంతనే చూపు పోదని తెలుసుకో...
చీకటింట్లో గడుపు కంటే, చిరు దీపం మేలని తెలుసుకో....
రాని అద్రుష్టాని కోసం నిరీక్షించకు మిత్రమా!!!
రాతినైనా మాటి,మాటికి పరీక్షించకు నేస్తమా!!!
వేడి పెంచితే, ఉక్కునైనా వంచవచ్చని తెలుసుకో...
ఆడి,తప్పితే సన్నిహితుడే శత్రువౌనని తెలుసుకో...
గుండెలో నిరాశనెప్పుడు ప్రతిక్షేపించకు నేస్తమా!!!
గుడిలోన దైవం ఏమివ్వలేదని ఆక్షేపించకు నేస్తమా!!!
మనషి జన్మే దేవిడిచ్చిన వరమని నువు తెలుసుకో...
వెదికి చూస్తే ప్రతి బ్రతుకులోన అర్ధముందని తెలుసుకో...
ఈ చేదు సత్యం మింగగలిగితే జీవితం ఒక వైద్యాలయం...
నీ బ్రతుకు పుటలని చదవ గలిగితే లోకం ఒక విద్యాలయం...
కె.కె.
No comments:
Post a Comment