గుప్పెడు మల్లెలు-57

1.
నిఖార్సైన అబద్ధం,
"ఇక్కడంతా క్షేమం,
అక్కడ క్షేమమని తలుస్తా"
2.
సంకర తెలుగు,
వంకర మాటలా...
డౌటేలేదు, అది యాంకరే
3.
నైరాశ్యం,
ఒక పాడుబడ్డ గొయ్యి,
పడ్డావో... చచ్చావే
4.
మడికట్టి గుడికెళ్లక్కర్లా,
తొడుక్కున్న వ్యక్తిత్వం,
తెల్లగావుంటే చాలు...ఉతుకు
5.
గతాన్ని రీలుగాచెయ్,
వీలుచూసి, రివీల్ చెయ్,
అనుభవం కంటే ఆప్తుడెవరు.
6.
రాసేప్పుడు నిశ్శబ్ధం కావాలి,
కాని చదివేప్పుడు...
శబ్ధం కావాలి... చప్పట్లతో
7.
ఉన్నదున్నట్టుగావుంటే,
విలువుంటుందా దేనికైనా,
కాలంతో ఆవిరవ్వాలి కోపం.
8.
మాటల్లో కొలవగలమా?
పండిన సంతృప్తి,
నిండిన మనసుదైతే
9.
సింహావలోకనం ఆలోచనకే, 
ఆవేశానిక్కాదు,
అడుగేసాక గొణుగుడొద్దు.
10.
పుస్తకం మూసేసినా,
అక్షరం వెంటాడుతోంది,
ఓ శ్రీశ్రీ! ఏం సిరా వాడావ్.
================ 
Date: 01.12.2013