గుప్పెడు మల్లెలు-64

1.
అబద్దం ఆడేందుకో,
పోయాడని చెప్పేందుకో,
గీతాసారం ఎందుకో...
2.
నీ గురించి పూర్తిగా తెలుసుకో,
నీ ఒక్కడీ దగ్గరే,
నీ పాస్వర్డు ఉండేది.
3.
జాగృతి కత్తిని,
పదునుపెట్టే
రహస్యస్థలం...మౌనం
4.
ఆగిపోయినా సాగిపో,
మూగబోయినా మోగిపో,
జాగుచేస్తే ఒరిగిపోతావ్.
5.
అది వెళ్లేదారిలో,
గుర్రం తోలడం మహాసుఖం,
నీ ప్రతిభ ఎక్కడో గుర్తించు
6.
అనుభవాలే అక్షరాలు,
మనమెక్కిన పదిమెట్లు,
ఒక్కంగలో ఎక్కేస్తారులే వచ్చేవాళ్లు
7.
పిచ్చోడవకు,
పిచ్చిని వాడు,
లీడర్ నువ్వే
8.
ప్రేమకై వెదకక్కర్లా...
నలుగురిని,
నువు ప్రేమిస్తుంటే
9.
తప్పొప్పుల వెనకే,
గెలుపోటముల చాటునే,
నీ స్వాతంత్ర్యం.
10.
ఒక ప్రాంతానికో,మతానికో
అతుక్కునుండిపోకు,
నీకు అర్ధమయ్యే నిజం ఎక్కడుందో
=====================
Date: 27.01.2014