గుప్పెడు మల్లెలు-85

K.K.//గుప్పెడు మల్లెలు-85//
********************************
1.
తప్పులెన్నో లెక్కచూస్కో నీలో,
అప్పుడదే దొరుకుతుంది,
వాటి దారిమళ్లించే మార్గం
2.
అదుపు తప్పనిది ఏదీలేదు,
ఈడ... జనులెవ్వరిలో,
జరాసా... ఆతృత తప్ప
3.
జోగి,జోగి కలిస్తే బూడిదేనంట,
నాన్సెన్స్... లెక్క తెలీదా,
ఋణం, ఋణం గుణిస్తే ధనం కదా
4.
కళ్లను మించిన వగలాడి లేదు,
కునుకు తీసేప్పుడు తప్ప
కధలు,కబుర్లు మానదు
5.
ఎన్నాళ్లురా ఈ తుచ్చ రాజకీయం,
ఒట్టి గంజి నీళ్లేనా మా జీవితం
ఎన్ని త్యాగాలైనా చేసి, ఉప్పుకూడా సాదిస్తాం.
6.
ఉక్క పోస్తోందని దుఃఖ పడితేనో,
పక్కవాడికి చెప్పి గుక్క పెడితేనో
తగ్గుతుందా మండే ఎండ... ఒక్క మొక్కైనా నాటకుండా
7.
పేదోడంటే మా సెడ్డ ప్రేమ... అందుకే,
ప్రతీ బడ్జెట్ తోనూ ప్రభుత్వం,
ఆళ్ల సంఖ్య పదిరెట్లు పెంచే ప్రయత్నం
8.
మనం దేవుడితో చెబితే
ప్రార్ధన అని అంటున్నామా...
ఆయన చెప్పింది ఒక్కటైనా వింటున్నామా
9.
పంచభూతాలు దేవుడిచ్చాడు,
ఆరో భూతం మనోడు తెచ్చాడు
అది ప్లాస్టిక్ లే ... తమ్ముడూ
10.
ప్రతీరోజూ అదే వింత,
ప్రపంచంలో ఏడుపులన్నీ
సరిగ్గా పేపర్లో సరిపోయేటంత
=========================