గుప్పెడు మల్లెలు-22

1.
తప్పురాసింది పెన్నైతే,
కాగితాన్ని చింపేస్తాం.

కిందుంటే లోకువే
2.
చేవున్న లవంగం నిజం,
నోట్లోవేస్తే
చురుక్కుమంటుంది.
3.
ఫైళ్ళమీద సంతకానికి,
వేళ్ళమద్య
లంచాక్షరాలు
4.
నిరుద్యోగ సంఘం
బలవంతపుబహిష్కరణ,
రోడ్డుపక్క సేల్స్ మాన్
5.
ప్రశ్నలముళ్ళు లేవంటే,
తప్పుదారిలో ఉన్నట్టు.
ప్రశ్నలు గమ్యానికి ఆనవాలు.
6.
చూపులు ఒక అయస్కాంతం,
విసిరేయ్
అందమైన దృశ్యాలొస్తాయ్
7.
ఆత్మభ్రమణం తప్పుకాదు,
కానీ... వెలుగుకోసం
పరిభ్రమణం తప్పదు.
8.
'బిజీ' అని జవాబొస్తే,
నీకు ప్రాముఖ్యం లేనట్లు,
ప్రతీరోజుకీ 24 గంటలే.
9.
ఐకమత్యానికి అర్ధం వెతక్కు,
అనుమానమొస్తే
నీ పాదాలనడుగు.
10.
చరిత్ర చిటికెలో తయారుకాదు.
కొట్టిపారెయ్యకు
అది సంఘర్షణల సమాహారం.
=======================================
తేది:12/12/12