గుప్పెడు మల్లెలు-27

1.
ఎక్కడో శిఖరంపై గమ్యం,
పారే నీటికింద రాయిలా
జనం
2.
జంట సూర్యుళ్ల మద్య
మండిపోతున్నా,
జడిపిస్తుంది రాత్రి
3.
ఇక్కడ బాల్యంకొనబడును
ఇట్లు,
చైల్డుకేర్ సెంటర్
4.
పెనుచీకటి ప్రస్థానం,
తొలికిరణంతో సరి
వెలుగు నీ ముందే
5.
ప్రతీ పున్నమికీ
సెలయేట్లోకడుక్కున్న,
మచ్చ పోదెందుకో... చంద్రుడికి
6.
జగమంతా ప్లాస్టిక్,
రంగు,రంగుల పువ్వుల్లో...
చాలామంది నవ్వుల్లో
7.
అక్షర దుస్తుల్లో
ముస్తాబయ్యే బ్యూటీ,
కవిత
8.
ఎందరు తాగేసినా
ఖాళీ కాదు ఎప్పటికీ,
సరుకున్న పుస్తకం
9.
ఒకప్పుడు ఓన్లీ న్యూస్,
ఇప్పుడన్నీ వాళ్ల,వాళ్ల వ్యూస్,
మన మీడియా
10.
పాలైనా,నెత్తురైనా,
రుచి తేడాలేదు
దోపిడీకి.
====================
Date:06.04.2013