ఆ కళ్లలో

నాగుండెలో వేల సితార్
లుషారుగా మోతపెడతాయ్,
అన్ని సితార్ల తంత్రులొకేసారి,
సుధాశృతిలో ఆలపిస్తాయ్.
విసిరేసిన,
నీఒక్క ఓరచూపుకే...

వెలుగునో, వెన్నముద్దనో,
పూవునో,అమృతాన్నో,
మధువునో,మరేదాన్నో
జడిగానో,చిత్తడిగానో కాక,
పొంగిపొర్లే వరదలా,
పూర్ణకల్లోల ఏరులా,
తాండవిస్తోంది మనస్సు,
ముసి నవ్వుల,
నీ కంటి బాసకే...

దారి దొరకక,
నా గళద్వారసీమ చెంత,
రిక్తహస్తాలతో, విముక్తికోసం
పరుగులెడుతోంది నాపాట,
క్షీరసాగరాన మునుగుతూ,
లయ తప్పని,
నీ కనురెప్పల సవ్వడికే...

శీతాచల శిఖరోజ్వల,
హిమపీఠాగ్రమున కెగసి,
శిరమునెత్తి, కరములెత్తి
ప్రార్ధిస్తుంది నా హృదయం,
విల్లు ఎక్కుపెట్టిన,
నీ కనుబొమ్మలు చూస్తే...

ఇన్ని మాటలేల,
ఆ కళ్లు,
అంబరాన దాగున్న పొదరిల్లు.
చూసిన ప్రతిసారి
స్పురిస్తుంది ఎదో మధురానిభూతి,
కాని అది అర్ధంకాని భావగీతి.
=========================
Date:24.04.2013