గుప్పెడు మల్లెలు-51

 1.
దున్నను కదిలిస్తుందా, వాన
అందుకే ప్రతీ తప్పుకి,
దేవుడిమీదే ఆన.
2.
బద్దకస్తుడు నిద్దరోతున్నాడని,
తొలిపొద్దు ఆగుతుందా?
మంచికి,ముహుర్తం ఎందుకు?
3.
ముళ్లతో నడుస్తోంది గడియారం,
అంగట్లో ఉల్లినుంచి,
అమ్మడి మెళ్లో తాళిదాక
4.
కొవ్వు కరిగితే,
కాంతి చిమ్ముతుంది,
ఇంట్లోనైనా, నీ... ఒంట్లోనైనా
5.
చలిలో పరిగెడితేనే,
ఒంట్లో వేడిపుట్టేది,
పోరాడి గెలిస్తే, దానికి సాటేది
6.
తాత్కాలికమే అలుపు,
తెలివి, తెగువ ఉంటే
నీదేనోయ్ గెలుపు
7.
వేళ్లెంత కిందున్నా,
వటవృక్షం తలొంచుతుంది,
వచ్చేది సుడిగాలైతే
8.
కొండపైన బండ విడిస్తే,
పడేది కిందోడిమీదే,
పై పదవి, పెదవిజారితే అంతేమరి
9.
చురుక్కుమన్నా,
మిర్చీబజ్జీ రుచేవేరు,
అలిగినా అందమే ప్రియురాలు.
10.
భోజనమ్ముందు భజన బోరు,
సమస్యనొదిలి ప్రసంగిస్తే
వినేవాడు ఎవ్వరు?
====================
Date: 04.09.2013