నవ్యలోకం

 మంచితనం ముసుగులో,వంచించే కుళ్ళుని కడిగేయాలనివుంది!!!

మాకెందుకులెమ్మని, పక్కకు జరిగే కళ్ళను తడిచెయాలనివుంది!!!

గ్రహచారం... గోచారం... అంకెలతో గుణకారం....
చేతిగీతలే, బ్రతుకుబాటగ నమ్మే కల్లను తుడిచేయాలనివుంది!!!
మాకెందుకులెమ్మని, పక్కకు జరిగే కళ్ళను తడిచెయాలనివుంది!!!

అందరి నెత్తురు ఎరుపు... బాధలో అమ్మనే పిలుచు....
దేవుడికే గడిగీసే, మూడాంధుల ఎల్లను చెరిపేయాలనివుంది!!!
మాకెందుకులెమ్మని, పక్కకు జరిగే కళ్ళను తడిచెయాలనివుంది!!!

పసిపాపల బోసినవ్వు... విరబూసిన జాజిపువ్వు....
కపటమంటే ఎరుగని, నవ్యవనం వీధుల్లో చల్లగా గడిపేయాలనివుంది!!!
మాకెందుకులెమ్మని, పక్కకు జరిగే కళ్ళను తడిచెయాలనివుంది!!!

అభిమానం,ఆత్మీయత...అనుబంధం,ఆరాధన...
నవ్యలోక ఆహ్వానంతో గుండెల సడిచేయాలనివుంది!!!
మాకెందుకులెమ్మని, పక్కకు జరిగే కళ్ళను తడిచెయాలనివుంది!!!

కె.కె.