మేఘం-మనిషి

ఆగమేఘాలతో ఒక మేఘం వస్తుంది.
పిసినారి తనంతో ఉన్నదంతా దాచుకొని,
గుడ్లు మిటకరిస్తూ వెళ్ళిపోతుంది.

సూకరాలతో,చేతులూపుతూ
నింపాదిగా మరో మేఘం వస్తుంది.
సానుభూతి సందేశాలతో,
కళ్ళాపిచల్లి కాళ్ళీడ్చుకుంటూ వెళ్ళిపోతుంది.

ఇంకోరకం మేఘం, హుంకరిస్తూ వస్తుంది.
దర్జాగా నడుస్తూ, దర్పాన్ని చూపిస్తుంది.
వాగ్దాన గర్జనలేతప్ప,
మనసు విప్పి ఇచ్చేది శూన్యమే.

ఇంకోరకం మేఘం వస్తుంది.
ఉరిమినట్టే ఉరిమి,
మెరిసినట్టే మరిసి,
కురిసినట్టే కురిసి వెళ్ళిపోతుంది.
నిజానికి అవన్నీ గారడీ చమక్కులే.

నిశ్శబ్ధంగా ఒకమేఘం వస్తుంది.
తన దగ్గరున్న నిధులన్నీ,
అయాచితంగా అర్పిస్తుంది.
నిశ్చల తృప్తితో నిష్క్రమిస్తుంది.

మనుషుల్లోకూడా ఈ మబ్బుల్లాగే రకరకాలు.
గారడీ చూపేవారు కొందరు,
హడావిడి చేసేవారు కొందరు,
శబ్ధం మాత్రమే చేసేవారు కొందరు,
నిశ్శభంగా చూసేవారు కొందరు,
నిస్వార్ధంగా ఉన్నదంతా పంచేవారు కొందరు,
మనకి మార్గదర్శకులు వీరే.
******************************
తేదీ: 15.01.2013