కె.కె.//గుప్పెడు మల్లెలు-16//

1.
విడి,విడిగా ఉంటే రాళ్ళే,
చప్పట్లు కొడితే...నిప్పురవ్వలు

2.
చూసేది కళ్ళైతే,
గుండెకెందుకో మద్యలో బాధ
3.
ఆయన కలానికి పదును
ఎక్కువ, అన్నీ ఎర్రకవితలే
4.
ఏడుస్తారు,ఏడిపిస్తారు,ఏడుస్తారు
బాల్యం,యవ్వనం,వృద్దాప్యం....జీవితచక్రం
5.
గుండెలో ముల్లు దిగితే గాయం,
గడియారం ముల్లు తిరిగితేనే అది మాయం
6.
జీవిత సాగరమధనంలో,
ప్రేమనే విషం,మరుపనే అమృతం పుట్టాయ్
7.
ఖాళీ కడుపులుగా ఉంచకు,
కాలే కడుపులుగా మారితే... నువ్వుండవ్
8.
అమ్మ ఒళ్ళో ఆర్నెల్లే,
మంచం ఒళ్ళో అరవయ్యేళ్ళు.
9.
భూమి స్ట్రాంగ్ లేడీ,
చంద్రుడు ఎన్ని చక్కర్లు కొట్టినా పడట్లేదు
10.
దేవుడు కనిపించడు,
అలాగని లేడనీ అనిపించడు...జగమే మాయ