కె.కె.//గుప్పెడు మల్లెలు-17//

1.
అడక్కపోతే అమ్మైనా
పెట్టదు, అడక్కుండానే భానుభిక్ష...ఉదయం
2.
తొందరగా కళ్ళుతెరు,
సగం జీవితం గడిచిపోయిందప్పుడే
3.
పేరు చివర గాంధీ,
మరి పరిపాలనలో గాంధారి
4.
ఎవడిది ఏదారైనా
తప్పక కలిసేది వల్లకాట్లోనే
5.
కంట తడి,గుండె సడి అంటే
తెలుసా... అయితే నువ్వు కవివే
6.
సుదీర్ఘవాక్యం జీవితం,
కామా మంచమ్మీద కునికిపాట్లొద్దు
7.
మనుషులు ఇండియాలో,
మనసులమెరికాలో...ఓ వృద్ద జంట
8.
వర్షించే మేఘమైనా,గర్జిస్తూ
భయపెడుతుంది. నేర్చుకో ప్రకృతినుంచి...
9.
ఎన్ని జాగరణలో
కవిత్వం వెలిగించేందుకు
10.

అక్షరాలు రమిస్తేనే
కావ్యంపై వీక్షనలు చరించేది