దసరా పండగ

పండగ..పండగ...పండగ,
దసరా పండగ,
సరదా పండగ,

మనసు పరదాలు విప్పే పండగ

పూలని కురిసే దసరాబాణం,
చిల్లర రాల్చే దసరాకట్నం,
సంతలో తిరిగే రంగులరాట్నం,
కొత్తబట్టలతో,బొమ్మల కొలువుతో
పిల్లల మనసులు కొల్లగొట్టే
పండగ...పండగ...పండగ,
సరదా దసరా పడగ

కోడిపందాల హోరా,హోరీ,
వేటకూరల వాడి,వేడి,
చీట్లపేకలతో ఆడి,పాడి,
నాటకాల పద్యాల సందడి,
యువతమనసు ఎగరేసుకుపోయే,
పండగ...పండగ...పండగ,
సరదా దసరా పడగ

కొత్తల్లుడికో ముత్యపుటుంగరం,
అల్లరిచేసే,మరదళ్ళగారం,
ఆయుధపూజల,నాగళ్ళ సోయగం,
పట్టుచీరల్లో,పుణ్యస్త్రీల పేరంటం,
పండగ...పండగ...పండగ,
సరదా దసరా పడగ
===========*==========
పైనున్నదంత గతవైభవం,
నే చెప్పినదంతా...
మసక,మసకగా కనిపిస్తున్న నా బాల్యం ,
ఇప్పుడంతా పాశ్చాత్య వైభోగం,
టి.వి.తోనే దినం,దినం సంసారం...
పల్లె... ఆ మాటకెపుడో కాలం చెల్లె
======================
తేది:17.10.2012