కె.కె.//గుప్పెడు మల్లెలు-19//

1.
నీ ఎత్తుని చూసి గర్వపడకు,
నీ చేతికర్ర పైకెత్తితే 
ఇంకా పొడవు
2.
వ్యక్తంటే ఒకడే అనుకున్నా
ఇద్దరు... 
కనిపించేవాడు,దాక్కొనేవాడు
3.
మానవత్వ పరమాన్నం
మాడుకంపు కొడుతోంది,
విలువలు అడుగంటాయ్
4.
మదిర మత్తు మరురోజు వరకే,
మగువ మత్తు వదిలేది 
మట్టిలో కలిసాకే
5.
గుండె కిటికీ 
తెరిచిచూడు,
లోకమెంత శోకమయమో 
6.
అందం ఆరాధిస్తే
సంస్కారం,
ఆరేసేస్తే వ్యభిచారం
7.
విషాదానికి ఔషధం
సహనం...
దానిలోంచే సంగ్రామం
8.
అద్దం సిగ్గుపడే అందం ఆమె,
అది పగిలిపోయే చూపు
లోకం
9.
ప్రేమించి బాధపడకు,
అవి రెండూ
నాణానికి చెరోపక్కా
10.
గురి ఉంటే సరా???
లక్ష్యం నిర్ణయించుకో ముందు
మానవత్వ పరిధుల్లో
=========================
Date: 26/10/2012