గుప్పెడు మల్లెలు-46

1.
పచ్చదనం
పల్లవించేది,
పండుటాకులు రాలినప్పుడే
2.
గాలి,వెలుతురు
లేదంటే ఎలా?
గుండె విండో మూసేసి
3.
మర్చిపోకురా నాన్నా,
కుర్చీకైనా చికాకే,
కదలకుండా కూర్చుంటే
4.
పక్కనోడి కాలుతొక్కితే
ప్రమాదం...
తమ్ముడూ!!! ఇది ప్రయాణం.
5.
చప్పగా ఇంకెన్నాళ్లు?
మలుపంటూ లేకుంటే,
జీవితం... పాసింజర్ రైలు.
6.
వినాలిలికదా వాదన,
అది... ప్రతివాదిదైనా,
ఒకేవైపు పడుకోదురోయ్ ఎద్దైనా
7.
కులం పిచ్చి,
గళం విప్పితే,
తమ్ముడులాంటోడైనా,తోడేలే
8.
నది,గట్టెక్కితే నాశనం,
మూర్ఖత్వం గద్దెనెక్కిందా,
తలతిక్క శాసనం.
9.
ముసిరిన పొగ చెదిరితే,
ముఖం కనిపించేస్తుంది,
ఎన్నాళ్లు తప్పు దాస్తావ్?
10.
కలుపు, వరి కాజేస్తోంది,
అన్నింటా కుట్రాలోచనే,
గెలుస్తోంది.
=================
Date: 31/07/2013