గుప్పెడు మల్లెలు-48

1.
మట్టిలో దాగిన విత్తు,
మహావృక్షమై పోదా,
సత్తావుంటే, పుట్టక అడ్డుగోడా?
2.
ఏటికెదురీదితేనే,
జబ్బ సత్తువ తెలిసేది,
సంఘాన్ని సంస్కరించు
3.
అనుకున్నది దొరికిందా,
అయితే దేవుడున్నట్టే,
స్వార్ధం లేనిదెవ్వరికి?
4.
ఎండు మోడుకెంత,
ఎరువేసినా పళ్లిచ్చేనా,
ప్రతిభని గుర్తించడమూ ప్రతిభే
5.
దాహం తీరదులే,
సాగరం ఎంత పెద్దదైనా,
ఆత్మతృప్తి ఏది,దానమెరుగని కోట్లున్న
6.
పడవెళ్లిపోయిందని,
ఏరు వాపోతుందా?
నీకు,నువ్వే కడదాకా
7.
పడతావని,
భయపడుతూవుంటే,
శిఖరం అందేదెలా?
8.
అగ్గిని,గాలి పలకరిస్తే,
అడివంతా బూడిదే,
కోపానికి, అహం జోడించకు
9.
రోడ్డుపై గతుకులున్నా,
గమనం తప్పదులే,
సమస్యలన్నవి మామూలే
10.
పక్వానికొస్తేనే పండంటారు,
పలికిన మాట సార్ధక్యం,
ఆ పని చేసినపుడే
==================
Date: 18.08.2013