గుప్పెడు మల్లెలు-47

1.
ఐకమత్యమే మహాబలం,
మర్చిపోయిన పాఠం,
ఆదిపత్యం కోసం
2.
కర్రగుర్రమెక్కి
కదలట్లేదంటే ఎలారా?
కల్తీ నాయకుల లోకం రా
3.
ఆలి శీలరక్షణకి,
ఒరదాటని కత్తెందుకు?
ఆత్మగౌరవం కాపాడని పదవెందుకు?
4.
అలా పెరిగావెందుకోయ్,
పక్కనున్నోడు ఎదగందే,
ఏడ్చి చస్తున్నాడు,నువ్వేమీ అనందే
5.
చెమట తుడుస్తుందా
చెమికీ రుమాలు,
అలంకారానికే మన నాయకులు
6.
మండాయా మత్తెక్కిన కళ్లు,
ఎంచుకునే ముందే,
దగ్గరుంచుకోవాలి, ఒళ్లు
7.
ఊపిరాగితే అదేం శరీరం,
జనామోదం లేనిదే,
అదేం శాసనం
8.
సూదిలాంటి చూపుంటేనే
సూక్ష్మం అగుపించేది,
మందుపార్టీ నిర్ణయం,ఎవరు భరించేది?
9.
పదవీ వ్యామోహం
స్వార్ధంతో తలకెక్కింది,
ప్రజాజీవనం రోడ్డెక్కింది.
10.
ఐదేళ్లపాలనలో
యాభైయేళ్ల తిరోగమనం,
ప్రజాస్వామ్యానికి మరణం.
============================