//నిర్ణయం మీదే//

సామెతలు, ఉపమానాలు పక్కనబెట్టు,
స్థిమితంగా కూర్చొని నీ మెదడుకు పదునుపెట్టు,
సత్యం ఏమిటో కనిపెట్టు,

పెద్దలు చెప్పేరు కదా అని,
ప్రతీది సత్యం అనుకుంటే పొరపాటు.

"చెప్పేవాడికి,వినేవాడు లోకువట"
పెద్దల మాట!!!
వాడేలేకుంటే ....
ఎవడికివాడే మేధావనుకుంటాడు.
బావిలో కప్పలా బ్రతికేస్తాడు.

మేధకు పదునుబెట్టే మాటలే చాలనుకుంటే,
గంపెడు జీవితసత్యాలు,గుప్పెడు మల్లెలుగా
ఎప్పుడో మీముందుంచాను.
అందులో గుబాళించినవెన్నో మీరే చెప్పాలి.
అందిన ప్రతీది అర్హమైంది కాదు,
కొరికి చూస్తేనే కదా!
కాయో,పండో తెలిసేది.

తర్కిస్తేగాని సూత్రాల నాణ్యత తెలీదు,
గీటురాయితో గాని బంగారం నిగ్గు తేలదు
ఎంతటి ధర్మాసనమైనా, ఇచ్చేతీర్పు
సమకాలీన ధర్మాన్ని పాఠించాలి.
పెద్దల మాటలెప్పుడూ సూచనలు మాత్రమే
అవి ఆచరణలేనా అన్న నిర్ణయం మీదే.