హ్యూమనిస్టు

ఎండైన,వానైనా
గాలైనా,ధూళైనా
సైకిలెక్కి వీధులన్ని తిరుగుతూ

కల్తీలేని కబుర్లందించే
నిత్యఖర్మచారి పోస్టుమాన్.

ఖాకీ బట్టలతో,లేఖల కట్టలతో
మంచీ,చెడూ... వార్తలేవైనా
చిరునవ్వుతో తలుపుతట్టే ఆత్మబంధువు,
సమన్వయంతో సాగిపోయే బాటసారి,
నిజానికి లోకం గుర్తించని కమ్యూనిస్టు.

అదే..అదే..అందరికీ తెలిసిందే
జీవితం ఒక నాటకం,
తెరతీస్తే జననం,తెరమూస్తే మరణం
తెలియనిదొక్కటే
ఏ దృశ్యం కుదిపేస్తుందో?
ఏ ఘట్టం మదిదోస్తుందో??

తంతి రాగానే,గోడక్కొట్టిన బంతిలా
ఆతృత పడతారందరూ..చదివెయ్యాలని,
వాటిలో పైకి ఎగదోసేవెన్నో,
కిందికి దిగదోసేవెన్నో,
కవరు చివర పసుపుచుక్కలున్నా,
ఖర్మకాలి ఇంకు మరకలున్నా,
వార్తలేవైనా ఆతడి మందహాసం మామూలే
అందుకే నిజంగా అతడొక కమ్యూనిస్టు
కాదు..కాదు..నిజానికి గొప్ప హ్యూమనిస్టు