వారం,వారం "చాకిరేవు" అనే శీర్షిక పేరుమీద నేటి కాలానికనుగుణంగా ఉన్న సామాజిక విషయాలపై నా శైలిలో విశ్లేషణ చేద్దామని నిర్ణయించాను. తళ,తళలాడే స్వచ్చమైన ఆలోచనలకోసం మేధోమదనం చెయ్యడమే "చాకిరేవు" ముఖ్యోద్దేశం. ఇందులో బాబాయ్, అబ్బాయ్ అనే రెండు పాత్రలుంటాయి. ముఖ్యంగా యువతనుద్దేశించి సాగే ఈ శీర్షికలో మంచి ఆలోచనలు జనిస్తే నా ఈ ప్రయత్నానికి ప్రయోజనం చేకూరినట్లే... బాబాయ్ అంతగా చదువుకోకపోయినా జీవితాన్ని చదివిన వ్యక్తి, కష్టపడి ఎదిగిన వ్యక్తి. అబ్బాయ్ తొందరపాటు స్వభావం ఉన్నవాడు, పైగా బాబాయ్ అంటే ఒక పెద్ద నస... అనేదే అతని భావం. కానీ ఆయనింట్లో ఉండి చదుకుంటూండడం వల్ల తప్పనిసరై గౌరవం ఇస్తూ ఉంటాడు.అందులో భాగంగా, ఈరోజు సోషల్ మీడియాపై "చాకిరేవు-01" రాసాను. మిత్రులంతా చదివి సలహాలు, సూచనలు అందజేయగోరుతున్నాను.
కె.కె.//చాకిరేవు-01//
**************
"ఏరా అబ్బాయ్ ఎక్కడికో అడావిడిగా బయల్దేరినట్టున్నావ్, టిపినికూడా సేసినట్టులేదు. అంత యమర్జంటుగా ఎందాకో?" అన్నాడు బాబాయ్ చదువుతున్న తెలుగు పేపర్ కాస్త పక్కనబెడుతూ...
ముసిలోడికి అన్నీ కావాలి అని మనసులోనే తిట్టుకుంటూ,
"నిజంగానే చాలా అర్జంటు పని బాబాయ్. ఇదొక సంచలనం, ఇదొక విప్లవం, యావద్భారతదేశం గర్వించదగ్గ రోజు. ఎందుకంటే సోషల్ మీడియాలైన ఫేస్ బుక్, ట్విట్టెర్, వాట్సప్, లింకడిన్ లాంటి అన్నింటిమీద వేటు వెయ్యాలని ప్రభుత్వమ్మీద ఒత్తిడి తేవాలని నిర్ణయించాం. మొదట మా కాలేజీతో ప్రారంభించి, తర్వాత జిల్లా మొత్తం, ఆ తర్వాత రాష్ట్రం మొత్తం, ఆ పై తర్వాత దేశం మొత్తం మాతో కలిసేలా మా పోరాటం సాగించాలని నిర్ణయించాం. స్టూడెంట్ యూనియన్ లీడర్ గా నా పేరు దేశమ్మొత్తం మారుమోగిపోతుంది. " అని అత్యుత్సాహంగా చెప్పాడు అబ్బాయ్.
"అబ్బో సాలా పెద్ద పనే... ఇంతకీ ఇయన్నీ ఇంత అర్జంటుగా ఎందుకు మూసియ్యాలో?" అన్నాడు బాబాయ్.
"రోజూ పేపర్ మూడు గంటలసేపు, కూడబలుక్కుని మరీ చదివేస్తుంటావ్. టీవీని గంటలు,గంటలు చూసేస్తున్నావ్. అయినా ఎందుకని అడుగుతున్నావ్ అంటే నాకు నవ్వొస్తోంది. వార్తలు చదవడమంటే బొమ్మలు చూడ్డం కాదు బాబాయ్, అర్ధం చేసుకోవాలి." అన్నాడు అబ్బాయ్.
"అది సరేలే, నేను ఎలా సదివితే నీకెందుగ్గానీ... ఇంతకీ నీకొచ్చిన ఇబ్బందేటో, అది సెప్పు." అన్నాడు బాబాయ్ తాపీగా.
" ఈ మద్య మా క్లాస్ మేట్ ఒక అమ్మాయి... చాలా బాగా పాటలు పాడుతుందిలే, ఫేస్ బుక్ లో ఒక రాస్కెల్ ఇచ్చిన ప్రకటనచూసి సినిమాలో చాన్స్ ఇస్తాడని వెళ్తే, వాడు చెయ్యి పట్టుకున్నాడు. ఎలాగోలా బయట పడింది. హైదరాబాదులో ఒక కాలేజీ స్టూడెంట్ చాటింగ్ చేస్తూ ఉంటే, 18 యేళ్ల అమ్మాయినని చెప్పి చాటింగ్ చేసింది, తీరా చూస్తే 42 యేళ్ల ముసిల్ది అని తెలిసింది. రాజస్థాన్లో ఒక వ్యక్తిని బిజినెస్ లో పార్టనర్ చేస్తానని 5 లక్షలు కొట్టేసారు. ఉద్యోగాలు ఇస్తానని చెప్పి ఒక ఫేక్ కంపెనీ పెట్టి సుమారు 50 లక్షలు కొట్టేసారు, ముగ్గురు ప్రభుద్దులు. ఇలా చెప్పుకుంటూపోతే ఎన్నో... అయినా ఇవన్నీ నీకు తెలీవులే." అన్నాడు వ్యంగ్యంగా అబ్బాయ్.
"మరీ అంత తీసి పారీకు. నా సెల్ ఫోనులో కూడా ఫేస్ బుక్కూ, టిట్టెరు ఉన్నాయి. నేనూ, రోజూ ఓ పాలి సూసాకే తొంగునేది." అన్నాడు బాబాయ్.
"అదే కదా నా దౌర్భాగ్యం" అన్నాడు అబ్బాయ్ గొణిగినట్లు...
"ఇనపడిందిలే గానీ... నేనో ప్రశ్నేత్తాను, జవాబు సెప్పరా అబ్బాయ్. ఈ రోజు మన బిజినెస్సు రెండేళ్ల కితం ఉన్న 60లచ్చలనించి, ఇయ్యాల 6 కోట్లకి టర్నోవర్ ఎలా పెరిగిందంటావ్?" అన్నాడు బాబాయ్.
"పిన్ని అదృష్టం, లేదా నీకు ఎక్కడో పెద్ద పుట్టుమచ్చ ఉండుంటుంది." అన్నాడు అబ్బాయ్ వెటకారంగా...
"మరియ్యే పిల్ల సేస్టలు, కారు కూతలు అంటే" అన్నాడు బాబాయ్. మళ్లా అతనే ప్రారంభిస్తూ...
"సూడొరేయ్ అబ్బాయ్, తలనొప్పెస్తే ఏసుకునే గొళీకూడా నొప్పి తగ్గించినా నీలో దమ్ముకూడా తగ్గించేస్తది. అన్నిటి కాడ కాస్త మంచి ఉంటది, సెడూ ఉంటది. అది మనం వాడుకునే పద్దతిలో ఉంటది. నేను సేసే ఈ సేపల బిజినెస్సుకి సినీమా యాట్టర్నో, కిరికెట్ ఆడివోడ్నో తెచ్చి సేపలు కొనండోస్ అని సెప్పించలేను. అందుకే పేస్ బుక్కులో ఒక పేపరెట్టాను. అది సూసిన పతోడు మన సాపుకి పోన్ చేసి ఆడ్రు ఇస్తన్నారు. మనం డెలివరీ సేసి డబ్బులు తీసుకుంతన్నాము. ముందు ఒక సాపు మాత్రమే ఉండేది, తరవాత ఒక గొడోన్ పెట్టాము, ఇప్పుడు నాలుగు బోట్లు కొన్నాము. ఇంటింటికీ తిరిగి పోస్టర్లు అంటించినా... ఇంత పెచారం జరిగుండేది కాదు. మరి దీనికేటంటావు." అన్నాడు బాబాయ్. నిర్ఘాంత పోయాడు అబ్బాయ్.
"అంటే నేను చెప్పిన ఎక్జాంపుల్స్ సంగతేంటి?" అన్నాడు అబ్బాయ్ ముందుకన్నా కాస్త సౌండు తగ్గించి.
"దానికీ వస్తొన్నాను అబ్బాయ్, ఊ... కంగారు పడమాక."
అసలు కాలేజీకెల్లే పిల్లలకి, సాటింగులు ఎలా సేస్తన్నారు? ఆల్ల అమ్మా,బాబుల్ని పొడువాటి పోను కొనీదాక తినీసి... ఆటిలోని సదువుసెప్పే పంతుల్లమీద ఎదవ జోకులేసుకుంటారు. ఈ ఎదవ సోదంతా సూసే మరో ఎదవ, ఆల్లకి మెల్లగా గేలం ఏస్తాడు. ఇంతకీ ఆయమ్మి అంత పాడగలిగితే అయేయో పాడుతా తీయగా,ఉప్పగా, సప్పగా అని బోల్డు పోటీలవుతున్నాయి. అందులోకెల్తే ఆల్లే సూసుకుంటారు. అయన్నీ ఒగ్గేసి ఆడెవడో కోట్లు పెట్టి సినీమా తీసి ఈవిడసేత పాడిత్తాడా?" అని బాబాయ్ అనేసరికి, అబ్బాయ్ మతికాస్త అదుపుతప్పింది.
"సదువుకోండ్రా అని బడికి పంపిస్తే, అదొగ్గీసి పేమ,దోమ అంటూ ఎదవ సక్కర్లు కొట్టి ఆ తర్వాత ముసల్దని లబో,దిబో మంటే ఆ తప్పు ఎవడిది?"
"ఎవడో ముక్కూ,మొకం తెలీనోడితో బిజినెస్ సేస్తానని బయల్దేరాడంటే ఆడెంత ఎదవో అప్పుడే తెలిసిపోయింది. ఆడు ఇక్కడ కాకపోయినా, ఎక్కడో దగ్గిర దెబ్బయిపోవడం కాయం. ఆ సేతులో ఉన్న 5 లచ్చలు కర్సైపోతే ఆడే కుదురుగా ఉంటాడు."
"ఇక ఉద్యోగాలంటావా, ఆల్లు పనిసెప్పి, సేయించుకుని జీతమిస్తే దాన్నీ ఉజ్జోగమంటారు. అంతేగాని నీకాడ డబ్బులు తీసుకొని ఆడు ఉజ్జోగమివ్వడేమట్రా... అబ్బాయ్. పతోడికి పేనుకింద కూసొని, సంతకాలెట్టే పనే కావాలంటే దొరుకుద్దేటి? అందరు కూసుంటే పంజేసివోడెవడు? అందువల్ల సేత ఆ పొజిషన్ మనం సంపాదించుకోవాల. అప్పుడు పేను గాదు, ఇదిగోరేయ్ అబ్బాయ్ ఏ.సీ.లో దొరుకుద్ది సీటు." అన్నాడు బాబాయ్. అంతే దభీమని కూర్చుండిపోయాడు అబ్బాయి.
"కత్తితో కూరలు కోసుకుని కూరొండి తినొచ్చు, పీకలుకోసి జైల్లో కూసోవొచ్చు. ఏటి సెయ్యాలన్నది మనమే, మరి ఆ మంచి సెడ్డా సూస్కోవాలా. ఏటి? మరంచేత నువ్వేటి సెయ్యాలన్నది నువ్వే సూస్కోవాల." అని అక్కడినించి వెల్లిపోయాడు బాబాయ్.
బుర్ర గోక్కుంటూ కూర్చున్నాడు అబ్బాయ్.
కె.కె.//చాకిరేవు-01//
**************
"ఏరా అబ్బాయ్ ఎక్కడికో అడావిడిగా బయల్దేరినట్టున్నావ్, టిపినికూడా సేసినట్టులేదు. అంత యమర్జంటుగా ఎందాకో?" అన్నాడు బాబాయ్ చదువుతున్న తెలుగు పేపర్ కాస్త పక్కనబెడుతూ...
ముసిలోడికి అన్నీ కావాలి అని మనసులోనే తిట్టుకుంటూ,
"నిజంగానే చాలా అర్జంటు పని బాబాయ్. ఇదొక సంచలనం, ఇదొక విప్లవం, యావద్భారతదేశం గర్వించదగ్గ రోజు. ఎందుకంటే సోషల్ మీడియాలైన ఫేస్ బుక్, ట్విట్టెర్, వాట్సప్, లింకడిన్ లాంటి అన్నింటిమీద వేటు వెయ్యాలని ప్రభుత్వమ్మీద ఒత్తిడి తేవాలని నిర్ణయించాం. మొదట మా కాలేజీతో ప్రారంభించి, తర్వాత జిల్లా మొత్తం, ఆ తర్వాత రాష్ట్రం మొత్తం, ఆ పై తర్వాత దేశం మొత్తం మాతో కలిసేలా మా పోరాటం సాగించాలని నిర్ణయించాం. స్టూడెంట్ యూనియన్ లీడర్ గా నా పేరు దేశమ్మొత్తం మారుమోగిపోతుంది. " అని అత్యుత్సాహంగా చెప్పాడు అబ్బాయ్.
"అబ్బో సాలా పెద్ద పనే... ఇంతకీ ఇయన్నీ ఇంత అర్జంటుగా ఎందుకు మూసియ్యాలో?" అన్నాడు బాబాయ్.
"రోజూ పేపర్ మూడు గంటలసేపు, కూడబలుక్కుని మరీ చదివేస్తుంటావ్. టీవీని గంటలు,గంటలు చూసేస్తున్నావ్. అయినా ఎందుకని అడుగుతున్నావ్ అంటే నాకు నవ్వొస్తోంది. వార్తలు చదవడమంటే బొమ్మలు చూడ్డం కాదు బాబాయ్, అర్ధం చేసుకోవాలి." అన్నాడు అబ్బాయ్.
"అది సరేలే, నేను ఎలా సదివితే నీకెందుగ్గానీ... ఇంతకీ నీకొచ్చిన ఇబ్బందేటో, అది సెప్పు." అన్నాడు బాబాయ్ తాపీగా.
" ఈ మద్య మా క్లాస్ మేట్ ఒక అమ్మాయి... చాలా బాగా పాటలు పాడుతుందిలే, ఫేస్ బుక్ లో ఒక రాస్కెల్ ఇచ్చిన ప్రకటనచూసి సినిమాలో చాన్స్ ఇస్తాడని వెళ్తే, వాడు చెయ్యి పట్టుకున్నాడు. ఎలాగోలా బయట పడింది. హైదరాబాదులో ఒక కాలేజీ స్టూడెంట్ చాటింగ్ చేస్తూ ఉంటే, 18 యేళ్ల అమ్మాయినని చెప్పి చాటింగ్ చేసింది, తీరా చూస్తే 42 యేళ్ల ముసిల్ది అని తెలిసింది. రాజస్థాన్లో ఒక వ్యక్తిని బిజినెస్ లో పార్టనర్ చేస్తానని 5 లక్షలు కొట్టేసారు. ఉద్యోగాలు ఇస్తానని చెప్పి ఒక ఫేక్ కంపెనీ పెట్టి సుమారు 50 లక్షలు కొట్టేసారు, ముగ్గురు ప్రభుద్దులు. ఇలా చెప్పుకుంటూపోతే ఎన్నో... అయినా ఇవన్నీ నీకు తెలీవులే." అన్నాడు వ్యంగ్యంగా అబ్బాయ్.
"మరీ అంత తీసి పారీకు. నా సెల్ ఫోనులో కూడా ఫేస్ బుక్కూ, టిట్టెరు ఉన్నాయి. నేనూ, రోజూ ఓ పాలి సూసాకే తొంగునేది." అన్నాడు బాబాయ్.
"అదే కదా నా దౌర్భాగ్యం" అన్నాడు అబ్బాయ్ గొణిగినట్లు...
"ఇనపడిందిలే గానీ... నేనో ప్రశ్నేత్తాను, జవాబు సెప్పరా అబ్బాయ్. ఈ రోజు మన బిజినెస్సు రెండేళ్ల కితం ఉన్న 60లచ్చలనించి, ఇయ్యాల 6 కోట్లకి టర్నోవర్ ఎలా పెరిగిందంటావ్?" అన్నాడు బాబాయ్.
"పిన్ని అదృష్టం, లేదా నీకు ఎక్కడో పెద్ద పుట్టుమచ్చ ఉండుంటుంది." అన్నాడు అబ్బాయ్ వెటకారంగా...
"మరియ్యే పిల్ల సేస్టలు, కారు కూతలు అంటే" అన్నాడు బాబాయ్. మళ్లా అతనే ప్రారంభిస్తూ...
"సూడొరేయ్ అబ్బాయ్, తలనొప్పెస్తే ఏసుకునే గొళీకూడా నొప్పి తగ్గించినా నీలో దమ్ముకూడా తగ్గించేస్తది. అన్నిటి కాడ కాస్త మంచి ఉంటది, సెడూ ఉంటది. అది మనం వాడుకునే పద్దతిలో ఉంటది. నేను సేసే ఈ సేపల బిజినెస్సుకి సినీమా యాట్టర్నో, కిరికెట్ ఆడివోడ్నో తెచ్చి సేపలు కొనండోస్ అని సెప్పించలేను. అందుకే పేస్ బుక్కులో ఒక పేపరెట్టాను. అది సూసిన పతోడు మన సాపుకి పోన్ చేసి ఆడ్రు ఇస్తన్నారు. మనం డెలివరీ సేసి డబ్బులు తీసుకుంతన్నాము. ముందు ఒక సాపు మాత్రమే ఉండేది, తరవాత ఒక గొడోన్ పెట్టాము, ఇప్పుడు నాలుగు బోట్లు కొన్నాము. ఇంటింటికీ తిరిగి పోస్టర్లు అంటించినా... ఇంత పెచారం జరిగుండేది కాదు. మరి దీనికేటంటావు." అన్నాడు బాబాయ్. నిర్ఘాంత పోయాడు అబ్బాయ్.
"అంటే నేను చెప్పిన ఎక్జాంపుల్స్ సంగతేంటి?" అన్నాడు అబ్బాయ్ ముందుకన్నా కాస్త సౌండు తగ్గించి.
"దానికీ వస్తొన్నాను అబ్బాయ్, ఊ... కంగారు పడమాక."
అసలు కాలేజీకెల్లే పిల్లలకి, సాటింగులు ఎలా సేస్తన్నారు? ఆల్ల అమ్మా,బాబుల్ని పొడువాటి పోను కొనీదాక తినీసి... ఆటిలోని సదువుసెప్పే పంతుల్లమీద ఎదవ జోకులేసుకుంటారు. ఈ ఎదవ సోదంతా సూసే మరో ఎదవ, ఆల్లకి మెల్లగా గేలం ఏస్తాడు. ఇంతకీ ఆయమ్మి అంత పాడగలిగితే అయేయో పాడుతా తీయగా,ఉప్పగా, సప్పగా అని బోల్డు పోటీలవుతున్నాయి. అందులోకెల్తే ఆల్లే సూసుకుంటారు. అయన్నీ ఒగ్గేసి ఆడెవడో కోట్లు పెట్టి సినీమా తీసి ఈవిడసేత పాడిత్తాడా?" అని బాబాయ్ అనేసరికి, అబ్బాయ్ మతికాస్త అదుపుతప్పింది.
"సదువుకోండ్రా అని బడికి పంపిస్తే, అదొగ్గీసి పేమ,దోమ అంటూ ఎదవ సక్కర్లు కొట్టి ఆ తర్వాత ముసల్దని లబో,దిబో మంటే ఆ తప్పు ఎవడిది?"
"ఎవడో ముక్కూ,మొకం తెలీనోడితో బిజినెస్ సేస్తానని బయల్దేరాడంటే ఆడెంత ఎదవో అప్పుడే తెలిసిపోయింది. ఆడు ఇక్కడ కాకపోయినా, ఎక్కడో దగ్గిర దెబ్బయిపోవడం కాయం. ఆ సేతులో ఉన్న 5 లచ్చలు కర్సైపోతే ఆడే కుదురుగా ఉంటాడు."
"ఇక ఉద్యోగాలంటావా, ఆల్లు పనిసెప్పి, సేయించుకుని జీతమిస్తే దాన్నీ ఉజ్జోగమంటారు. అంతేగాని నీకాడ డబ్బులు తీసుకొని ఆడు ఉజ్జోగమివ్వడేమట్రా... అబ్బాయ్. పతోడికి పేనుకింద కూసొని, సంతకాలెట్టే పనే కావాలంటే దొరుకుద్దేటి? అందరు కూసుంటే పంజేసివోడెవడు? అందువల్ల సేత ఆ పొజిషన్ మనం సంపాదించుకోవాల. అప్పుడు పేను గాదు, ఇదిగోరేయ్ అబ్బాయ్ ఏ.సీ.లో దొరుకుద్ది సీటు." అన్నాడు బాబాయ్. అంతే దభీమని కూర్చుండిపోయాడు అబ్బాయి.
"కత్తితో కూరలు కోసుకుని కూరొండి తినొచ్చు, పీకలుకోసి జైల్లో కూసోవొచ్చు. ఏటి సెయ్యాలన్నది మనమే, మరి ఆ మంచి సెడ్డా సూస్కోవాలా. ఏటి? మరంచేత నువ్వేటి సెయ్యాలన్నది నువ్వే సూస్కోవాల." అని అక్కడినించి వెల్లిపోయాడు బాబాయ్.
బుర్ర గోక్కుంటూ కూర్చున్నాడు అబ్బాయ్.
No comments:
Post a Comment