చెప్పాలనివుంది

చెప్పాలనివుంది... మోసంతో నా ఎద గుచ్చిన ముళ్ళున్నాయని...
చాటాలనివుంది... లోకంలో పొగ చిమ్మే విషనాగుల కళ్ళున్నాయని...

పలకరించే ప్రతివాడు, హితుడేనని తలచా ఇన్నాళ్ళు...
చెప్పాలనివుంది... కాటేసే కౌగిళ్ళున్నాయని...
చాటాలనివుంది... మాటేసె కొడవళ్ళున్నాయని...

బ్రతుకు, నటన రెండూ వేరని భావించాను ఇన్నాళ్ళు...
చెప్పాలనివుంది... వంచించే కన్నీళ్లున్నాయని...
చాటాలనివుంది... ముంచేసే పరవళ్ళున్నాయని..

అడవిలోనే... ఆపదలుండని ... అనుకున్నాను ఇన్నాళ్ళు...
చెప్పాలనివుంది... జడిపించే పొదరిళ్ళున్నాయని...
చాటాలనివుంది... కనిపించే నరకాలున్నాయని...

చెప్పాలనివుంది... మోసంతో నా ఎద గుచ్చిన ముళ్ళున్నాయని...
చాటాలనివుంది... లోకంలో పొగ చిమ్మే విషనాగుల కళ్ళున్నాయని...

K.K.